கைத்தொலை பேசி...

by ஹாசிம் Tue Jul 20, 2010 2:51 pm

First topic message reminder :

அருகில் இருக்கிறாய்
அன்பைத்தருகிறாய்
அசர வைக்கிறாய்
அகம் வெல்கிறாய்

நொடிப்பொழுதில்
நொந்த விடயங்களையும்
மகிழ்வுறும் நிமிடங்களையும்
பரிமாறிடச்செய்கிறாய்

காதல் என்று கூறி
தொலைவில் இருந்து
தொக்கி நின்றவளை
கொக்கி போட வைக்கிறாய்

முத்தம் அவளுக்கென்று
நித்தம் நீ பெற்று
சத்தம் மட்டும் அவளுக்காக
சலனமின்றித் தருகிறாய்

அகிலம் சுருங்க
அதிகம் நெருங்க
தொல்லை தந்தாலும்
தொலைவை அறுக்கிறாய்

கையை விட்டுப்பிரியா
கைத்தெலைபேசியே உம்மை
கைக்கடிகாரத்தைவிட
அதிகம் காண்பதால்
பரவசம் அடைகிறது உள்ளம்

by **T.N.Balasubramanian** Tue Jul 20, 2010 8:02 pm

ஹாசிம் கவிதை அபாரம்.!
ஹாஹ் "ஹா சிம்"
உங்கள் பெயரில் இருப்பதால்
கைத் தொலைப்பேசி கவிதையோ?

ரமணீயன். கைத்தொலை பேசி... - Page 2 154550

by கலைவேந்தன் Tue Jul 20, 2010 8:14 pm

தொலைபேசியின் அருமை பேச வந்த அருமையான கவிதை...!

பாராட்டுக்கள் ஹாசிம்....!

by **Aathira** Tue Jul 20, 2010 8:20 pm

//அகிலம் சுருங்க
அதிகம் நெருங்க
தொல்லை தந்தாலும்
தொலைவை அறுக்கிறாய்//

விரல் நுணியில் வையத்தை அளக்கும் கணினி போல கைப்பிடிக்குள் அடங்கி தூரத்தை வென்ற அதிசயம் கைத்தொலைபேசி. அதன் விந்தையைச் சொன்ன கவிதை அற்புதம். வாழ்த்துக்கள் ஹாசிம்..

by மஞ்சுபாஷிணி Tue Jul 20, 2010 8:49 pm

தொலைத்த காதலுக்கு தொலைபேசி அருமருந்தாய்
தொல்லையில்லா வார்த்தைகளுக்கு சர்க்கரையாய்
மௌனமொழியை உடைக்கும் நல்லொதொரு ஆயுதமாய்

இப்படி தொலைபேசி எத்தனை விதமாய் உதவுகிறது என்பதை கச்சிதமாக முத்தான கவிதையாய் கோர்த்து இங்கே சிறப்பித்தது மிக அழகு....ி
கணவன் வெளிநாட்டில் வேறு வழியில்லாமல் வேலைக்காய் போகும்போது இந்த தொலைபேசி இருவருக்கும் உயிர்ப்பிக்கும் உணவாய்.....

உலகத்து விஷயங்கள் உலத்துல இருக்கும் நம் உறவுகள் நட்புகள் இப்படி தொலைபேசி இணைத்திருப்பது எத்தனை சிறப்பு.... அதன் பெருமைகளை அருமைகளை அழகாய் வடித்திருப்பது அத்தனை சிறப்பு...

அன்பு பாராட்டுக்கள் ஹாசிம்....