புனித நீராடும் பெண்களை ஆபாச படமெடுக்கும் கூட்டம்!

ரபீக் · ரபீக் Tue 20 Jul 2010 - 11:53

புனித தலங்களில் நீராடும் பெண்களை குறிவைத்து அவர்களை போட்டோ எடுத்து இணைய தளங்களில் வெளியீடும் அவலநிலை உருவாகியுள்ளது.

ராமேஸ்வரத்திற்கு நாள் தோறும் குடும்பத்துடன் வரும் பக்தர்கள் அக்னிதீர்த்த கடலில் புனித நீராடி பின் கோயிலுக்கு உள்ளே இருக்கும் 22 தீர்த்தக்கிணறுகளிலும் தீர்த்தமாடி சுவாமி தரிசனம் செய்கின்றனர். புண்ணியம் தேடி புனித நீராடும் பக்தர்கள் அதிகமானோர் பெண்கள் என்பதாலும், கடலில் குளிப்பது இயற்கையாகவே மனதிற்கு மகிழ்ச்சியை தரும் என்பதாலும் சிறுவர், இளம்பெண்கள், மாணவிகள், திருமணமான பெண்கள் என்று அனைத்து தரப்பினரும் இப்புனித தீர்த்தமாடுகின்றனர்.

இக்கடற்கரையில் கூடும் ஆயிரக்கணக்கான பக்தர்களும் மனதில் எந்தவித களங்கமும் இல்லாமல் புனித நீராடும் நிலையில் வக்கிரபுத்தி கொண்ட சிலர் நீராடும் இளம்பெண்களை ஆபாச நிலையில் படம் எடுக்கின்றனர். பக்தர்கள் கூட்டத்திற்குள் ஊடுருவும் இவர்கள் மொபைல் போன் மற்றும் கேமராக்களினால் கடலில் குளிக்கும் பெண்களின் அங்க அவையவங்களை அவர்கள் அறியாத நிலையில் காத்திருந்து படம் எடுக்கின்றனர். இது போல் கோயிலுக்குள் கோடி தீர்த்தம் அமைந்துள்ள பகுதியிலும் இளைஞர்கள் மொபைல் போன் கேமரா மூலம் தெரியாமல் படம் எடுக்கின்றனர்.

இது போல் மறைமுகமாக எடுக்கப்படம் படங்கள் உணர்ச்சியை தூண்டும் வகையில் இருந்தால் இதனை இணைய தளங்களில் வெளியிட்டு பணம் பார்க்கும் வேலையிலும் இக்கும்பல் ஈடுபட்டு வருவதாக கூறப்படுகிறது. பத்திரிக்கையாளர்கள் என்ற போர்வையில் கோயில் மற்றும் கடற்கரையில் கேமரா மற்றும் மொபைல் போன்களுடன் இவர்கள் உலா வருகின்றனர்