மனிதம் மறந்த மிருகம்...

by மஞ்சுபாஷிணி Mon 19 Jul 2010 - 18:16

First topic message reminder :

மனிதம் மறந்த மிருகத்துக்கு
மனிதாபிமானத்துடன் கூடிய மரியாதையாம்....

அன்பைக் கொன்ற அக்கிரமக்காரருக்கு
அக்கறையுடன் வார்த்தைகளில் கரிசனமாம்....

பொல்லாங்கு பேசி வதைத்தவருக்கு
பொங்கிய அன்புச் சாரலாம்....

நடிப்பையே வாழ்க்கையாய் கொண்டோருக்கு
நன்னடத்தை பாராட்டு பத்திரமாம்....

உண்மை அன்பும் தோற்றுப் போனதடி
உன்னிடம் மிஞ்சி இருப்பதென்னடி

வலிகளே வாழ்க்கையாகிவிட்டபோது
வந்த வசந்தமாவது நின்று காக்குமோடி

கண்ணீர் மட்டுமே வடிகால் ஆகுமோடி?
இது தான் உலகமோ கிளியே நீயும் சொல்லடி.....