ரோசய்யாவின் கோரிக்கை மகாராஷ்டிர முதல்வரால் நிராகரிப்பு

ரபீக் · ரபீக் Mon Jul 19, 2010 1:52 pm

சந்திரபாபு நாயுடுவை ஆந்திரத்துக்கு திருப்பி அனுப்புங்கள் என்று அந்த மாநில முதல்வர் ரோசய்யா விடுத்த கோரிக்கையை மகாராஷ்டிர முதல்வர் அசோக் சவாண் நிராகரித்தார்.
ஆந்திர முதல்வர் ரோசய்யா ஞாயிற்றுக்கிழமை காலையில், அசோக் சவாணை தொலைபேசியில் தொடர்பு கொண்டு பேசினார். அப்போது தடை உத்தரவை மீறி மகாராஷ்டிரத்தில் நுழைந்த தெலுங்கு தேசம் தலைவர் சந்திரபாபு நாயுடுவை சிறையில் இருந்து விடுதலை செய்து ஆந்திரத்துக்கு அனுப்புங்கள் என்று கேட்டுக் கொண்டார். ஆனால், இந்த விஷயம் இப்போது நீதிமன்றத்தில் உள்ளதால், இதில் தலையிட முடியாது என்று அசோக் சவாண், ரோசய்யாவிடம் கூறிவிட்டார்.

இதனையடுத்து மும்பையில் செய்தியாளர்களிடம் பேசிய அசோக் சவாண், ஆந்திரத்தில் விரைவில் நடைபெறவுள்ள இடைத்தேர்தலை மனதில் கொண்டு சந்திரபாபு நாயுடு அரசியல் நாடகம் நடத்தியுள்ளார். தடையை மீறி மகாராஷ்டிரத்துக்குள் நுழைந்த அவர் என்ன சாதித்துவிட்டார். ஆந்திரத்துக்குச் செல்ல வேண்டுமானால் அவர் நீதிமன்றத்தில் ஜாமீன் பெற்றுச் செல்லலாம். அதற்கு எந்தத் தடையும் இல்லை என்றார்.

முன்னதாக மகாராஷ்டிர மாநில அரசின் பாப்லி நீர்பாசனத் திட்டத்தால், ஆந்திர விவசாயிகள் பாதிக்கப்படுவார்கள் என்று கூறி அம்மாநிலத்தின் நந்தத் மாவட்டத்துக்கு வெள்ளிக்கிழமை சென்று போராட்டம் நடத்த முயன்றபோது சந்திரபாபு நாயுடுவும், அவரது கட்சியினர் 74 பேரும் கைது செய்யப்பட்டனர். ஜாமீனில் விடுதலையாக மறுத்ததால் அவர் நீதிமன்றக் காவலில் வைக்கப்பட்டுள்ளார்.

kalaimoon70 · kalaimoon70 Mon Jul 19, 2010 3:30 pm

நன்றி தோழரே

ரோசய்யாவின் கோரிக்கை மகாராஷ்டிர முதல்வரால் நிராகரிப்பு

ரோசய்யாவின் கோரிக்கை மகாராஷ்டிர முதல்வரால் நிராகரிப்பு

Re: ரோசய்யாவின் கோரிக்கை மகாராஷ்டிர முதல்வரால் நிராகரிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக