(கவிதை )எனக்கென்று சில உறவுகள்

by raj001 Mon Jul 19, 2010 10:29 am

தங்கக் கம்பி

நான் பள்ளி சேர்ந்த வருடம்
நீ பூமியில் குதித்தாய்
என் தாய் மடியை அபகரித்து விட்டாயோ என்று
கண்ணில் நீர் கசிந்தது
அம்மா தேற்றினாள் உன் தம்பி தான் என்று

நான் தான் உனக்கு பெயரே வைத்தேன்
வளர்ந்துவிட்டாய்
நீ அண்ணா என்று கூப்பிடும் அந்த
வார்த்தைக்காக ஏங்கியவன்

எத்தனை சண்டைகள்
நமக்குள்
பலப்ப குச்சிக்கும் அம்மா செய்த முறுக்குக்கும்
சண்டை போடாத நாட்களே இல்லை

இன்று கூட
சண்டை தான்
புது தலையணையை யார்
வைத்துக் கொள்வது

என்ன இருந்தாலும் விட்டுக் கொடுப்பவன்
நான் தான்
என் தம்பி தானே

--------------------------------------------------------------

மாமன் மகள்..

குட்டிப் பெண்ணாய்
பார்த்துக் கொண்டிருந்தேன்
அதற்குள்
பெரிய மனுசி
ஆகிவிட்டாள்

நிறைய வித்யாசங்கள்
அவளிடம்
புதிதாய் கண்டுபிடித்த வெட்கம்
சற்றே உப்பிய கன்னம்
குரல் கூடத்தான்

சட்டென்று
குதித்த என் இதயம்
அவளிடம்
நின்று கொண்டு
முறைப் பெண் தானே
காதலித்து பாரேன்
என்றது
என்ன செய்ய ?

----------------------------------------------------

நண்பா...

இத்தனை வருடம் படித்தேன்
என்ன வளர்ந்தது
நண்பர்கள் எண்ணிக்கை தான்

அரியர் வைத்தாலும்
கேட்டாய்
ஆடை வாங்கினாலும்
கேட்டாய்
நானும் மறுக்கவில்லை
"ட்ரீட்"

சொந்தமே இல்லாமல்
மச்சான் என்றாய்
மாமா என்றேன்

ஒன்றுமே
இல்லையென்றாலும்
நமக்குள்
நிறைய
இருக்கும்
பகிர்ந்து கொள்ள

நம்
நட்பிற்கு
முடிவு
என்றுண்டா
அன்புடன்
ராஜ்.....................

by kalaimoon70 Mon Jul 19, 2010 10:31 am

மூன்று உறவுகள் கவிதைள் அருமை .......பாராட்டுக்கள் .

by ஹாசிம் Mon Jul 19, 2010 10:33 am

உறவுக்கு இலக்கணம் தந்தீர் அருமையாக பாராட்டுகள்

by raj001 Mon Jul 19, 2010 10:34 am

ஹாசிம் wrote:உறவுக்கு இலக்கணம் தந்தீர் அருமையாக பாராட்டுகள்

மிகவும் நன்றி நண்பா......

by மீனா Mon Jul 19, 2010 11:26 am

by மஞ்சுபாஷிணி Mon Jul 19, 2010 11:29 am

தம்பிக்காக ஒரு கவிதை

போட்டியென்று நினைத்த உறவு பின் மனதுடன் ஒன்றிய உணர்வு...

மாமன் மகளுக்காக ஒரு கவிதை

முறைப்பெண் என்றால் காதலிக்க தடையில்லாத ஒரு உறவு....

நட்புக்கு ஒரு கவிதை

நட்பில் இல்லை களங்கம்.... நட்பு உயர்வு என்றும்.....

அருமையான உறவுகளுக்கான, நட்புக்கான கவிதைகள்.. அன்பு பாராட்டுக்கள் ராஜ்...

by ரபீக் Mon Jul 19, 2010 11:30 am

நட்பு கவிதை சூப்பர்

by raj001 Mon Jul 19, 2010 12:02 pm

மஞ்சுபாஷிணி wrote:தம்பிக்காக ஒரு கவிதை

போட்டியென்று நினைத்த உறவு பின் மனதுடன் ஒன்றிய உணர்வு...

மாமன் மகளுக்காக ஒரு கவிதை

முறைப்பெண் என்றால் காதலிக்க தடையில்லாத ஒரு உறவு....

நட்புக்கு ஒரு கவிதை

நட்பில் இல்லை களங்கம்.... நட்பு உயர்வு என்றும்.....

அருமையான உறவுகளுக்கான, நட்புக்கான கவிதைகள்.. அன்பு பாராட்டுக்கள் ராஜ்...

நட்பை பற்றி சொன்ன அக்காவுக்கு என் இதயம் கனிந்த நன்றிகள்.....என்றும் நட்புடன் ராஜ்......