இலங்கை தூதரகத்தை மூடும் வரை போராட்டம்: வைகோ பேட்டி

by ganie006 Sun Jul 18, 2010 9:51 am

கடலூர் ஜூலை 17:
தமிழகத்தில் உள்ள இலங்கைத் துணைத் தூதரகத்தை மூடும் வரை எங்கள் போராட்டம்
ஓயாது என்று மதிமுக பொதுச் செயலர் வைகோ சனிக்கிழமை தெரிவித்தார்.÷இலங்கை
கடற்படையினரால் தமிழக மீனவர்கள் அடிக்கடி கொல்லப்படுவதைக் கண்டித்தும்,
இலங்கையில் தமிழர்கள் கொல்லப்பட்டதைக் கண்டிக்கும் வகையில் சென்னையில் உள்ள
இலங்கைத் துணைத் தூதரகத்தை மூடிவிட வலியுறுத்தியும், இலங்கை தமிழர்
பாதுகாப்பு இயக்கம் சார்பில் கடந்த புதன்கிழமை சென்னையில் ஆர்ப்பாட்டம்
நடந்தது. ஆர்ப்பாட்டம் நடத்திய மதிமுக பொதுச் செயலர் வைகோ, தமிழர்
பாதுகாப்பு இயக்க ஒருங்கிணைப்பாளர் பழ.நெடுமாறன் உள்ளிட்ட 159 பேர் கைது
செய்யப்பட்டனர். அவர்கள் கடலூர் மத்திய சிறையில் அடைக்கப்பட்டு இருந்தனர்.
அவர்கள் அனைவரும் சனிக்கிழமை விடுதலை செய்யப்பட்டனர்.÷சிறையில்
இருந்து வெளியானதும் வைகோ செய்தியாளர்களிடம் கூறியது:÷ஈழத்
தமிழர்களுக்கு எதிரான இந்திய அரசின் நடவடிக்கைகளை மன்னிக்க முடியாது. எந்த
முயற்சி எடுத்தாலும் வரலாற்றில் அதை மறைக்க முடியாது. சிங்கள அரசுக்கு
ஆயுதங்களுடன் ஆயிரக்கணக்கான கோடி பணமும் கொடுத்து, ஈழத் தமிழர்களைக் கொன்று
குவிக்க ராஜபட்சவுக்கு இந்திய அரசு உதவியது.÷இந்தியா- இலங்கை
கடற்படைத் தகவல் பரிமாற்ற ஒப்பந்தம் மூலம், இந்தியப் படையினர் நேரடியாகவே
போரில் ஈடுபடும் நிலையை உருவாக்கியது. 2-ம் உலக மகாயுத்தத்தில் ஹிட்லர்
நடத்திய இனப் படுகொலைக்குப் பிறகு, இலங்கையில் நடந்தது போன்ற இனப்
படுகொலைகள் எங்கும் நடந்தது இல்லை.÷ஐ.நா. மன்றத்தில் ராஜபட்சவுக்கு
எதிராகக் கொண்டு வந்த தீர்மானத்தை, பாராட்டுத் தீர்மானமாக மாற்றி
நிறைவேற்றியது இந்தியா. இலங்கைக்கு எதிரான கண்டனத் தீர்மானத்தை தோற்கடிக்க
இந்தியா உதவியது. இலங்கையில் நடந்த மனித உரிமைப் படுகொலையை மூடிமறைக்க,
ராஜபட்சவை இந்தியாவுக்கு அழைத்து வந்து, 4 நாள்கள் அரசு விருந்தாளியாக
வைத்து இருந்து, 2 ஒப்பந்தங்களையும் செய்து கொண்டது இந்தியா.÷எனவே
கொலைபாதகச் செயல்களை செய்த இலங்கை அரசின் துணைத் தூதரகம் இனி தமிழகத்தில்
இருக்கக் கூடாது. அது அகற்றப்பட வேண்டும். தமிழர்களைக் கொன்று குவித்த
கொடியவர்களின் அவமானச் சின்னமான அது ஒழிக்கப்பட வேண்டும்.÷அறவழிப்
போராட்டம் நடத்திய எங்களைக் கைது செய்திருக்கிறார்கள். அதன்மூலம் எங்களை
மிரட்டிவிடலாம், ஒடுக்கிவிடலாம் என்று முதல்வர் கருணாநிதி தப்புக் கணக்கு
போடுகிறார். சிறைவாசம் பற்றி எங்களுக்குக் கவலை இல்லை.÷இனப் படுகொலை
செய்த ராஜபட்சவை சர்வதேச நீதிமன்ற குற்றவாளிக் கூண்டில் நிறுத்தி,
சர்வதேசக் கொலையாளி என்று அறிவிக்கத் தேவையான நிலை உருவாகும் வரை போராட்டம்
ஓயாது என்றார் வைகோ.