2-வது உலகப்போரின் போது வெடிக்காத 900 குண்டுகள் ஜப்பானில் கண்டுபிடிப்பு

by ரபீக் Sat Jul 17, 2010 2:19 pm

ஜப்பானின் ஒகினாலா நகரில் ஓட்டல் அருகே சாலையை விரிவாக்கம் செய்யும் பணி நடந்தது.இதில் ஏராளமான தொழிலாளர்கள் ஈடுபட்டனர். அப்போது மண்ணுக்குள் இரும்பு குண்டு கள் புதைந்து கிடந்தது. இதுகுறித்து அதிகாரிகளுக்கு தகவல் கொடுக்கப்பட்டது. அங்கு வந்து பார்த்த அதிகாரிகள் இது வெடிகுண்டுகளாக இருக்கலாம் என சந்தேகப்பட்டனர். எனவே மெட்டல் டிடெக்டர் கருவி மூலம் சோதித்த போது அவை வெடி குண்டுகள் என தெரிய வந்தது.

இதைத்தொடர்ந்து அவற்றை பாதுகாப்பாக வெளியே எடுத்தனர். மொத்தம் 902 குண்டுகள் பூமியில் இருந்து எடுக்கப்பட்டன. அவை அனைத்தும் அமெரிக்காவில் தயாரிக்கப்பட்டவை.

அவை 2-வது உலகப் போரின் போது ஜப்பான் மீது அமெரிக்கா வீசிய வெடிகுண்டுகளாகும். இந்த குண்டுகள் வெடிக்காமல் பூமிக்குள் கிடந்தது தற்போது கண்டுபிடிக்கப்பட்டு அகற்றப்பட்டுள்ளதாக இடோமன் நகர சீனியர் போலீஸ் அதிகாரி ஜியோடாகா மேடோமரி தெரிவித்தார்.

ஏற்கனவே ஜப்பானில் இது போன்று பல இடங்களில் வெடிகுண்டுகள் கண்டுபிடிக்கப்பட்டுள்ள தாகவும் அவர் கூறினார்.