ரஜினி பேச்சு நடுங்கும் நடிகர்கள்!

ரபீக் · ரபீக் Sat Jul 17, 2010 11:55 am

நமது வீட்டில் கரண்ட் போனால் பக்கத்து வீட்டில் லைட் எரிகிறதா என்று எட்டிப்பார்ப்பதுதான் இயல்பு. அதே இயல்புதான் இப்போது கோடம்பாக்கத்தையும் சூறையாடிக் கொண்டிருக்கிறது. நாள் நட்சத்திரம் பார்த்து படத்தை ரிலீஸ் பண்ணிய வழக்கம் குறைந்து விட்டது. தியேட்டருக்கு வேறென்ன படங்கள் வருகிறது. நாம் இந்த நேரத்தில் இறங்கினால் தப்பிக்க முடியுமா என்றெல்லாம் கணக்கு போட்டுதான் களத்தில் இறங்குகிறார்கள் பலர். அவர்கள் அத்தனை பேரையும் இப்போது திகில் பிடித்தாட்டுகிறது. அதுவும் ஆகஸ்ட் மாதத்தை நினைத்தால்?

ஆகஸ்ட்டில் எந்திரன் ரிலீஸ் என்று கூறியிருக்கிறார் சூப்பர் ஸ்டார் ரஜினி. இதே மாதத்தை குறி வைத்துதான் வேலைகளை விரைவு படுத்தியிருக்கிறார் ஷங்கர். படப்பிடிப்பு நடக்க நடக்க அதே வேகத்தில் போஸ்ட் புரடக்ஷன் வேலைகளையும் கவனித்து வந்தது எந்திரன் டீம். இதனால் ஆகஸ்ட்டில் ரிலீஸ் என்பதில் சிக்கல் வர வாய்ப்பில்லை என்கிறார்கள் திரையுலத்தில். ஆனாலும், எந்திரன் ரிலீஸ் இன்னும் தள்ளிப் போனால் நன்றாக இருக்குமே என்று கவலைப்பட ஆரம்பித்திருக்கிறார்கள் ஆகஸ்ட்டில் தங்கள் படத்தை ரிலீஸ் செய்ய நினைத்த முன்னணி நடிகர்கள் சிலர்.

புயலடிக்கிற நேரத்தில பொறி விக்க யாருக்குதான் தில்லு வருமாம்?