லட்சியம் இல்லாமல் வாழாதே-விவேகானந்தர்

**பிளேடு பக்கிரி** · 01/03/2010

இளைஞர்களே! பெருஞ்செயல்களை செய்து முடிப்பதில் எப்போதும் முன்னேறிச் செல்லுங்கள். ஏழைகளிடமும், சமுதாயத்தில் ஒடுக்கப்பட்டவர்களிடமும் இரக்கம் காட்டுங்கள். நமக்கு மரணமே வாய்த்தாலும்கூட அவர்களுக்கு இரக்கம் காட்டுவது நமது லட்சியம் ஆகும்.

என்னுடைய லட்சியத்தை உண்மையில் சில சொற்களில் சொல்லி முடித்துவிடலாம். அதாவது, மக்களுக்கு அவர்களுடைய தெய்வீகத் தன்மையை எடுத்துச் சொல்வதும், வாழ்க்கையின் ஒவ்வொரு இயக்கத்திலும் அதை எப்படி வெளிப்படுத்திக் காட்டுவது என்பதை எடுத்துச் சொல்வதும்தான் அது.
எழுந்திருங்கள். விழித்திருங்கள்.
நீங்களும் விழித்திருங்கள், மற்றவர்களையும் விழிக்கச் செய்யுங்கள்.
உங்களுடைய இந்த உலக வாழ்க்கை முடிவடைவதற்கு முன்னால், மனிதப்பிறவியினால் பெறுவதற்கரிய பெரிய நன்மையை அடையுங்கள். லட்சியத்தை அடையும் வரையில் நில்லாமல் முன்னேறிச் செல்லுங்கள்.

உயர்ந்த லட்சியம் கொண்ட மனிதன் ஒருவன் ஆயிரம் தவறுகள் செய்தால், லட்சியம் ஒன்றுமில்லாமல் வாழ்பவன் ஐம்பதாயிரம் தவறுகள் செய்வான் என்று நான் உறுதியாக சொல்வேன். மக்கள் உன்னை புகழ்ந்தாலும் சரி, இகழ்ந்தாலும் சரி, கடவுள் உனக்கு அருள் புரியட்டும், அல்லது புரியாமல் போகட்டும். உன் உடல் இன்றைக்கே வீழ்ந்து போகட்டும். ஆனால் நீ, உண்மை என்னும் பாதையிலிருந்து மட்டும் அணுவளவேனும் பிறழ்ந்து செல்லாமல் இருப்பதில் கவனமாக இரு.

மனிதன் எந்த அளவுக்கு உயர்ந்தவன் ஆகிறானோ, அந்த அளவுக்கு அவன் கடுமையான சோதனைகளை
கடந்தாக வேண்டும்.

kalaimoon70 · kalaimoon70 Tue 20 Jul 2010 - 17:34

...நல்ல பதிவு ..தொடருங்கள் .........நன்றி தோழரே .

மஞ்சுபாஷிணி · மஞ்சுபாஷிணி Tue 20 Jul 2010 - 17:37

மனிதன் உண்மையுள்ளவனாக இருக்க கடக்கும் சோதனைகள் பல்லாயிரமாகும்... ராஜா ஹரிச்சந்திரனால் அப்படி இருக்கவேண்டி என்னவெல்லாம் இழக்க நேரிட்டது....

மஹாத்மா உண்மையாய் இருக்கவேண்டி சந்தித்த சோதனைகள் அத்தனையும் நமக்கு சத்திய சோதனை புத்தகத்தின் வடிவில்....

அனுபவங்கள் மனிதனை புடமாக்குகிறது.. அந்த அனுபவத்திலும் மனிதன் நேர்த்தியாய் உண்மையாய் இருந்து வாழ்ந்தால் வாழ்க்கையில் அவன் உயர்வது சத்தியமாகிறது...

அருமையான பகிர்வுக்கு அன்பு பாராட்டுக்கள் பக்கிரி...