அசின் விவகாரத்திலும் அந்தர் பல்டியடித்த நடிகர் சங்கம்

நடிகை அசின் இலங்கையில் நடைபெற்ற இந்திப்பட சூட்டிங்கில் பங்கேற்ற விவகாரம் கோடம்பாக்கம் முழுவதும் ஹாட் டாக்காக ஓடிக் கொண்டிருக்கிறது. அசின் இலங்கைக்கு சென்றது தவறு என்றும், அவர் மீது நடவடிக்கை எடுக்க வேண்டும் என்றும் திரைப்பட கூட்டமைப்பு தொடர்ந்து வலியுறுத்தி வருகிறது. தென்னிந்திய நடிகர் சங்க நிர்வாகிகளும் அசின் மீது கண்டிப்பாக நடவடிக்கை எடுக்கப்படும். எந்த மாதிரியான நடவடிக்கை என்று சங்கத்தை கூட்டி முடிவெடுக்கப்படும், என்று கூறி வந்தனர்.

இதையடுத்து நடிகை அசின் பரபரப்பான தன்னிலை விளக்கத்துடனான பேட்டியளித்தார். அதில், நான் தொழில் ரீதியாக இலங்கை சென்றிருக்கிறேன். ஒரு படத்தில் கமிட் ஆகி விட்டால் அந்த தயாரிப்பாளர் எங்கு சூட்டிங் வைத்திருக்கிறாரோ அங்கு சென்றுதான் ஆக வேண்டும். இலங்கை‌ சென்றதற்காக என் மீது நடவடிக்கை எடுக்கப்படும் என்கிறார்கள். இலங்கையில் நடந்த போரில் அம்மா - அப்பாவை இழந்த ஒரு வயது குழந்தை முதல் 16 வயது இளம்பெண்கள் வரை 150 பெண்களை தத்தெடுத்து இருக்கிறேன். இது தவறா? என்சொந்த செலவில் 10 ஆயிரம் பேருக்கு கண் ஆபரேஷன் செய்ய திட்டமிட்டிருக்கிறேன். என் மீது எதற்காக நடவடிக்கை எடுக்கப் போகிறார்கள்? நான் இலங்கை தமிழர்களுக்கு உதவியதற்காகவா? என்மீது வேண்டுமென்றே சிலர் சர்ச்சையை தூண்டிவிடுகிறார்கள். தமிழ்நாட்டில் இருந்துகொண்டே சும்மா பேசுவதை விட, அறிக்கை விடுவதை விட இலங்கைக்கு வந்து ஜாப்னாவில் உள்ள தமிழர்களுக்கு உதவலாமே?, என்று தடாலடியாக கூறியிருந்தார்.

இந்நிலையில் நடிகர் சங்கம் வழக்கம்போலவே அசின் விவகாரத்திலும் அந்தர்பல்டி அடித்துள்ளது. நடிகர் சங்க தலைவர் சரத்குமார் அளித்துள்ள பேட்டியில், அசின் மீது நடவடிக்கை எடுக்க வேண்டும் என்றும், அவருக்கு தொழில் ரீதியாக தடை விதிக்க வேண்டும் என்றும் பேசுகிறார்கள். அது தவறு. அசின், அவர் வேலையை பார்ப்பதற்காக இலங்கை சென்று இருக்கிறார். இதில், அவர் எந்த குற்றமும் செய்யவில்லை. சமீபத்தில் இலங்கையில் சர்வதேச இந்திய திரைப்பட விழா நடைபெற்றபோது, அந்த விழாவில் நடிகர்-நடிகைகள் யாரும் கலந்துகொள்ள வேண்டாம் என்று தென்னிந்திய திரைப்பட கூட்டமைப்பு தடை விதித்தது. அதை ஏற்றுக்கொண்டு தமிழ் நடிகர்-நடிகைகள் அந்த விழாவை புறக்கணித்தனர். அந்த தடை, அந்த விழாவோடு போய்விட்டது. அதன்பிறகும் யாரும் இலங்கை செல்லக்கூடாது என்று தடை விதிப்பது முறையல்ல. இலங்கைக்கு கிரிக்கெட் வீரர்கள் சென்று இருக்கிறார்கள். சுற்றுலா பயணிகள் சென்று வருகிறார்கள். தமிழ்நாட்டில் உள்ள சில கம்ப்ïட்டர் நிறுவனங்கள், இலங்கையுடன் வர்த்தகம் வைத்துக்கொள்கின்றன. அப்படியிருக்கும் போது, ஒரு நடிகை படப்பிடிப்புக்காக இலங்கை சென்றது எப்படி தவறாகும்?

நடிகர்-நடிகைகளுக்கு யாரும் தொழில் ரீதியாக தடை விதிக்கக்கூடாது. அசின் மீது தடை விதிக்கும் முடிவை மறுபரிசீலனை செய்வோம். இலங்கையில் பல தமிழர்கள் வீடுகளை இழந்து தவிக்கிறார்கள். உதவி கேட்டு அவர்களிடம் இருந்து எனக்கு நிறைய கடிதங்கள் வந்துள்ளன. அந்த கடிதங்களை நடிகர் சங்க செயற்குழுவில் வைத்து விவாதித்து, நடிகர்-நடிகைகளை கொண்ட ஒரு குழு யாழ்ப்பாணம் செல்வது பற்றி முடிவு செய்யப்படும், என்று கூறியுள்ளார்.

ஏற்கனவே சாமியார் நித்தியானந்தா - நடிகை ரஞ்சிதா உல்லாச வீடியோ விவகாரத்தில், முதலில் ரஞ்சிதா நடிகர் சங்க உறுப்பினரே இல்லை என்று நடிகர் சங்க நிர்வாகிகள் தெரிவித்தனர். அதன் பின்னர் ரஞ்சிதாவை பிடிக்க நடிகர் சங்கம் உதவும் என்றனர் . பின்னர் ரஞ்சிதாவின் சொந்த விவகாரத்தில் நடிகர் சங்கம் தலையிட முடியாது என்று கூறினார்கள். அதேபோல அசின் விவகாரத்திலும் இப்போது அந்தர் பல்டி அடித்திருக்கிறது நடிகர் சங்கம்!

அட விடுங்கப்பா ,,,இதுதானே அவங்க தொழில்

அவர்கள் நிஜ வாழ்விலும் நல்ல நடிகர்கள் என்பதை நிருபித்து விட்டனர்

நல்ல ஜோக்கு

maniajith007 wrote:அவர்கள் நிஜ வாழ்விலும் நல்ல நடிகர்கள் என்பதை நிருபித்து விட்டனர்