விடுதலைப்புலிகள் தலைநகரமாக இருந்த கிளிநொச்சியில் ராஜபக்சே மந்திரிசபை கூட்டம்

விடுதலைப்புலிகளுடன் கடந்த ஆண்டு நடந்த போரின் போது ஜனவரி மாதம் கிளிநொச்சி நகரம் ராணுவத்தின் கட்டுப்பாட்டில் வந்தது. அதன் பிறகு மற்ற இடங்களையும் ராணுவம் கைப்பற்றி விடுதலைப்புலிகளிடம் இருந்த ஓட்டுமொத்த பகுதிகளையும் ராணுவம் தனது கட்டுப்பாட்டில் கொண்டு வந்தது.

கிளிநொச்சி நகரில் தற்போது சீரமைப்பு பணிகள் நடந்து வருகின்றன. விடுதலைப்புலிகள் தலை நகரம் இப்போது அரசு கட்டுப்பாட்டில் இருப்பதை கொண்டாடும் வகையில் அங்கு மந்திரிசபை கூட்டத்தை நடத்த அரசு முடிவு செய்தது.

அதன்படி நேற்று மந்திரி சபை கூட்டம் நடந்தது. அதிபர் ராஜபக்சே தலைமை தாங்கினார். 2 மணி நேரம் கூட்டம் நடந்தது.

அப்போது போரில் பாதிக்கப்பட்ட பகுதிகளில் பல்வேறு வளர்ச்சி திட்டங்கள் செய்வது குறித்து முடிவுகள் எடுக்கப்பட்டன.

பின்னர் ராஜபக்சே பொதுமக்களை சந்திக்கும் நிகழ்ச்சி நடந்தது.

அதில் ராஜபக்சே பேசியதாவது:-

இந்த பகுதியில் அனைத்து வளர்ச்சி பணிகளும் மேற் கொள்ளப்பட்டு வருகின்றன. கிளிநொச்சி, முல்லைதீவு பகுதிகள் முன்பு பின்தங்கிய பகுதியாக இருந்தன. இனி இந்த நிலை மாறிவிடும்.

எனக்கு நாட்டு மக்கள் அனைவரும் ஒன்றுதான். எல்லா மக்களுக்கும் ஒரே மாதிரி வசதி வாய்ப்பு கிடைக்க வேண்டும் என்பதே எனது குறிக்கோள். சமத்துவம், சமஉரிமை, ஒரே நாடு, ஒரே மக்கள், ஒரே நீதி இதுதான் எனது வழி. நாட்டில் எல்லோரும் சுய கவுரவத்துடன் வாழ வேண்டும். அதை நான் நிறைவேற்றுவேன்.

இன வாதம், பிரிவினை வாதம், இனி வேண்டாம். இந்த நாட்டில் சிறுபான்மையினர் என்று யாரும் இல்லை. நாட்டின் மீது அன்பு செலுத்தும் அனைவரும் இலங்கை மக்களே.

எப்போதும் ஜனநாயகம் பாதுகாப்பாக இருக்க வேண்டும். அரசியல்வாதிகள் மக்களை தவறான வழிகளில் கொண்டு செல்லக்கூடாது.

இவ்வாறு அவர் பேசினார்.
மந்திரிசபை கூட்டத்தில் கலந்து கொள்ள ராஜபக்சே விசேஷ ஹெலிகாப்டரில் கிளிநொச்சிக்கு வந்தார். அவர் வருகையையொட்டி கிளிநொச்சியில் பலத்த பாதுகாப்பு போடப்பட்டு இருந்தது

கண்ணா சிங்கம் இருந்த குகையில இருந்த பன்னியும் சிங்கமாயிடுமா அது போலதான் இவனுக கூட்டமும்