வல்லாரை - Centella asiatica

**சிவா** · **சிவா** Tue Jul 21, 2009 7:06 pm

வல்லாரைக்கு சரஸ்வதி, பிண்டீரி, யோகவல்லி, நயனவல்லி, குணசாலி, குளத்து குளத்தி, அசுர சாந்தினி போன்ற வேறு பெயர்களும் உண்டு. வல்லாரையில் அதன் இலைதான் மருத்துவ பயன் மிகுதியாக கொண்டது.

மருத்துவ பயன்கள்:

இது கற்பக மூலிகைகளில் ஒன்றாகும். வாய்ப்புண், அதிக இரத்தக் கழிச்சலால் உண்டாகும் ஆசனவாய்க் கடுப்பு, ஆசனவாய் எரிச்சல், யானைக்கால், நெறிகட்டுதல், மேகப்புண் ஆகிய நோய்களுக்கும் நல்லது.

வல்லாரை இலையை முறைப்படிக் பச்சையாய் உண்டால் அறிவு துலங்கும். வல்லாரைச் சாற்றில் உப்பும், சாதிபத்ரியும் சேர்த்துக் கொடுக்க பெருவயிறு, மகோதரம் முதலிய நோய்கள் நீங்கும். வல்லாரையை உணவில் துவையல் போன்று அடிக்கடி சேர்த்துவர உடலுக்கு வன்மையைத் தந்து நோய் எதிர்ப்பு சக்தியை பெருக்கி எந்த நோயும் நம்மை அணுகாமல் செய்யும்.

வல்லாரை தோல் நோய்களுக்கு, குறிப்பாகத் தொழுநோய்க்கு நல்லது.தோல் நோய் தொந்தரவுகள் இருப்பவர்கள் தொடர்ந்து வல்லாரையை பயன்படுத்தி வந்தால் தோல்நோய் வெகு சீக்கிரத்தில் அகலும். நினைவாற்றலை பெருக்கும் ஆற்றல் வல்லாரைக்கு அதிகம் உண்டு .எனவே இந்த வல்லாரை இலையை காலையில் வெறும் வயிற்றில் பச்சையாக நான்கைந்து இலைகளை பறித்து உண்ணலாம்.

வல்லாரை இலை கசப்பு சுவை கொண்டிருப்பதனால் இதனை பச்சையாக வெறும் வயிற்றில் சர்க்கரை நோயாளிகள் தொடர்ந்து சாப்பிட்டு வரலாம். பச்சையாக தொடர்ந்து சாப்பிட முடியாதவர்கள் இந்த வல்லாரை இலையை பாடம் செய்து பொடியாக வைத்துக் கொண்டு பொடியினைக்கூட சாப்பிட்டு வெந்நீர் அருந்தலாம்.

மறதி நோயைக் கண்டித்து நினைவாற்றலை அதிகரிக்கும் வல்லாரை மாணவர்களுக்கு ஒரு அரிய மூலிகையாகும். மூளையைப் பலப்படுத்து வதில் மிகவும் சிறந்தது இது. இன்று மருந்து கடைகளில் வல்லாரை கேப் ஸூல் நிறைய விற்பதிலிருந்து இதன் அரிய சிறப்பை நீங்கள்உணரலாம்.

வல்லாரையை முதலாகக் கொண்டு வல்லாரை எண்ணெய், வல்லாரை நெய் முதலிய சித்த மருந்துகளும் செய்யப்படுகின்றன.

செரின் · செரின் Tue Jul 21, 2009 7:10 pm

நல்ல பயனுள்ள தகவல் அண்ணா ..

ஆனால் எனக்கு ஒரு சந்தேகம் இது என்ன பொம்பளப்பிள்ளயா இருக்குமோ?

Guest · Guest Tue Jul 21, 2009 7:11 pm

சூப்பர் அருமையான தகவல் அன்பு மலர்

**சிவா** · **சிவா** Tue Jul 21, 2009 7:13 pm

ஏன், வல்லாரையின் மற்ற பெயர்களை பார்த்துக் கேட்கிறீர்களா!

செரின் · செரின் Tue Jul 21, 2009 7:17 pm

சிவா wrote:ஏன், வல்லாரையின் மற்ற பெயர்களை பார்த்துக் கேட்கிறீர்களா!

ஆமாம், ஆமாம்

**சிவா** · **சிவா** Tue Jul 21, 2009 7:24 pm

இருக்கலம் ஷெரீன், ஏனெனில் ஆண்களுக்கு உள்ள பெருந்தனமையே எதையுமே எளிதில் விட்டுக் கொடுக்கும் மனப்பக்குவம்தானே! அதுபோலவே இதற்கும் நிகழ்ந்திருக்கும்!

Sponsored content · Sponsored content

வல்லாரை - Centella asiatica

வல்லாரை - Centella asiatica

Re: வல்லாரை - Centella asiatica

Re: வல்லாரை - Centella asiatica

Re: வல்லாரை - Centella asiatica

Re: வல்லாரை - Centella asiatica

Re: வல்லாரை - Centella asiatica

Re: வல்லாரை - Centella asiatica

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக