மம்முட்டி படத்தில் குஷ்பூ

by ரபீக் Wed Jul 14, 2010 10:03 am

அதிரடி அரசியலில் இறங்கியிருக்கும் குஷ்பூ நடிப்பதை விட்டுவிடும் மனநிலையில் இல்லை. நல்ல வேடம் அமைந்தால் நடிப்பது என்பதுதான் அவருடைய எவர்கி‌‌ரீன் கொள்கை.
தமிழ்ப் படங்களில் தலைகாட்டாவிட்டாலும் அவ்வப்போது மலையாளப் படங்களுக்கு கால்ஷீட் கொடுக்கவே செய்கிறார் குஷ்பூ. இந்தப் படங்கள் அவருக்கு புகழை தருவதற்கும் தவறுவதில்லை. உதாரணமாக ரஞ்சித் இயக்கிய கையொப்பு படத்தில் குஷ்பூ நடித்தார். இந்தப் படம் அவருக்கு சிறந்த துணை நடிகைக்கான மாநில விருதைப் பெற்றுத் தந்தது.

இதே ரஞ்சித் தற்போது பிராஞ்சியேட்டன் அண்ட் தி செயின்ட் என்ற படத்தை இயக்குகிறார். மம்முட்டி, ப்‌ரியாமணி நடிக்கும் இந்தப் படத்தில் முக்கிய வேடத்தில் குஷ்‌பூ நடிக்கிறார். அரசியல் பிரவேசத்துக்குப் பிறகு குஷ்பூ நடிக்கும் முதல் படம் இது என்பது குறிப்பிடத்தக்கது.