எஸ்.ஜே. சூர்யாவின் ஏமாற்றமும் புது நட்பும்

புலி இயக்குனர்! நம்ம எஸ்.ஜே.சூரியாவுக்குதான் கோலிவுட்ல இப்படியொரு பட்டப் பெயர்! எஸ்.ஜே. சூர்யா தெலுங்கில் இயக்கி முடித்திருக்கும் கொமாரம் புலி ஆடியோவை ஒரு வழியாக வெளியிட்டுவிட்டார்.
ஏ.ஆர். ரகுமான் எத்தனை உயரத்துக்குப் போனாலும் எஸ். ஜெ. சூரியாவின் நட்பை மதித்து தனது தாயார் கரீமா பேகத்துடன் இசை வெளியீட்டில் கலந்துகொள்ள, சிடியை வாங்கிக்கொண்டவர் ஆந்திராவின் முதல்வர் ரோஸைய்யா!

படப்பிடிப்பில் எஸ்.ஜே. சூரியா ஹீரோ பவன் கல்யாண் கண்ணத்தில் அறைந்தார் என்ற செய்தியை உறுதிப்படுத்திகொள்ள தமிழ் சினிமா செய்தியாளர்கள் முயன்றபோது, மாற்றிய செல் நம்பரை மறந்தும் கொடுத்துடாதீங்க என்று தனது உதவியாளர்களுக்கு உத்தரவு போட்டிருந்தாராம். சூரியாவின் எல்லாப் படங்களையும் ஆதரித்தோம் ஆனால் இயக்குனர் சூரியா நன்றி மறந்துவிட்டார்; பேட்டி, செய்தி என்று யார் அணுகினாலும் கடந்த இரண்டு வருடமாக எஸ்.ஜே. சூரியாவைத் தொடர்புகொள்ள முடியவில்லை என்று குமுறுகிறார்கள். புலி ரிலீஸ் ஆனால் கோடம்பாக்கத்துக்கு வந்துதானே ஆகணும் என்று மூக்கை விடைகிறார்கள் சில கோபக்கார நிருபர்கள்! ஆனால் இயக்குனரின் கோபமோ ஒரு சக தமிழ் இயக்குனர் மீது என்கிறார்கள் அவரது உதவியாளர் வட்டாரத்தில்!

விஜய்க்காக சூர்யா ரெடி செய்த கதைதான் இந்த புலி. ஆனால் கதையில் நிறைய மாற்றங்களை விஜய் சொல்ல, புலி படம் உங்களுக்கு சரிபட்டு வராது என்று பவன் கல்யாணைப் பிடித்தாராம். தெலுங்கில் வெளியான பிறகு சூரியாவே இந்தக் கதையை விரும்புவார். அவரை வைத்து தமிழில் இதை ஹிட் அடித்துக் காட்டுகிறேன் என்று சொல்லி கொண்டிருந்தவருக்கு சிங்கம் செம ஷாக் கொடுத்திருகிறது. கோமரம் புலியும் சிங்கம் போல ஒரு அதிரடி போலீஸ் அதிகாரியின் கதைதான். சிங்கம் ஏற்படுத்தியிருக்கும் பாதிப்பில் இருந்து மீண்டு வந்து உடனடியாக சூரியா ஒரு போலீஸ் கதையில் நடித்து விட முடியாது என்பதுதான் இயக்குனரின் கோபத்துக்கு காரணம் என்கிறார்கள்.

எஸ்.ஜே. சூரியா பற்றிய செய்தியில் ஒரு ஜொள்ளு விஷயம் இல்லாவிட்டால் எப்படி? கொமாரம் புலி படத்தில் ஹீரோயினாக நடித்திருக்கும் லண்டனைச் சேர்ந்த நிகேஷா படேலைத் தமிழில் அறிமுகப்படுத்த இருகிறாராம்! கடைசியாகக் கிடைத்த தகவலின்படி இயக்குனருக்கும் ஹீரோயினுக்கும் இடையில் செல் பில் கிழிவதாகக் காதைக் கடிகிறார்கள்!

கடுவுளே இந்த புள்ளைக்கு நல்ல புத்தியே கொடுங்கப்பா........

raj001 wrote:கடுவுளே இந்த புள்ளைக்கு நல்ல புத்தியே கொடுங்கப்பா........

raj001 wrote:கடுவுளே இந்த புள்ளைக்கு நல்ல புத்தியே கொடுங்கப்பா........