உத்தரபிரதேசத்தில் மாணவியை கடத்தி கற்பழித்த பகுஜன் சமாஜ் கட்சி எம்.எல்.ஏ. தலைமறைவாக இருப்பதால் தேடப்படும் குற்றவாளியாக அறிவிப்பு

உத்தரபிரதேச மாநிலம் பில்சி தொகுதியில் இருந்து சட்டசபைக்கு தேர்வு செய்யப்பட்டவர் யேஜெந்திரசாகர்.

மாயாவதியின் பகுஜன் சமாஜ் கட்சியைச் சேர்ந்த இவர் கல்லூரி மாணவியை கடத்திச் சென்று கற்பழித்த படுபாதகச்செயலை செய்துள்ளார்.

பில்சி தொகுதி மக்களால் இவர் காமவெறியன் என்ற எதிர்ப்பை சம்பாதித்துள்ளார். சாகர் எம்.எல்.ஏ.வால் பாதிக்கப்பட்ட மாணவியின் பெயர் ஜோதிசர்மா (வயது18).

கடந்த ஏப்ரல் மாதம் 23-ந்தேதி ஜோதி கல்லூரிக்கு சென்று கொண்டிருந்தபோது அவரை சாகர் எம்.எல்.ஏ. தன் உறவினர் தேஜேந்திரசாகர், உதவியாளர் மினுசர்மா ஆகியோர் உதவியுடன் காரில் கடத்தி சென்றார். லக்னோ மற்றும் டெல்லிக்கு அந்த மாணவியை மிரட்டி அழைத்து சென்றார்.

முசாபர்நகரில் தன் உறவினர் ஒருவர் வீட்டில் மாணவி ஜோதியை அடைத்து வைத்த சாகர் எம்.எல்.ஏ. ஜோதிக்கு போதை ஊசி போட்டார். ஜோதி மயங்கியதும் அவரை சாகர் எம்.எல்.ஏ. கற்பழித்தார்.

மாணவி ஜோதியை அரை மயக்கத்தில் வைத்து பலதடவை சாகர் எம்.எல்.ஏ. கற்பழித்ததாக தெரிகிறது. காமகொடூரனாக மாறிய அந்த எம்.எல்.ஏ.விடம் இருந்து மாணவி ஜோதியால் தப்பி வர முடியவில்லை.

இதற்கிடையே ஜோதியின் தந்தை குல்தீப்கிஷோர் போலீசில் புகார் கொடுத்து விட்டு மகளை தேடினார். ஜோதி மனநலம் பாதிக்கப் பட்டவர் போல மாறியதால் வெறியன் சாகர், அவரை விட்டு விட்டு ஓடிவிட்டார். முசாபர்நகர் ரெயில் நிலையத்தில் ஆதர வற்றவராக அலைந்து திரிந்தார்.

அதிர்ஷ்டவசமாக கடந்த மே மாதம் 16-ந்தேதி ஜோதியை அவரது தந்தை குல்தீப் கிஷோர் மீட்டார். அதன்பிறகே சாகர் எம்.எல்.ஏ.யின் படுபாதக செயல் வெளியில் தெரிய வந்தது. இதையடுத்து குல்தீப் கிஷோர் ஆதாரங்களுடன் போலீசில் சாகர் எம்.எல்.ஏ. மீது புகார் செய்தார்.

மே மாதம் 20-ந்தேதி சாகர் எம்.எல்.ஏ. மீது போலீசார் வழக்கு பதிவு செய்தனர். என்றாலும் அரசியல் செல்வாக்கை பயன்படுத்தி சாகர் தைரியமாக வெளியில் சுற்றி வந்தார். பொதுக் கூட்டங்களில் கலந்து கொண்ட அவரை போலீசார் வேடிக்கைத் தான் பார்த்தார்களே தவிர கைது செய்யவில்லை.

இதுதொடர்பாக அடுத்தடுத்து விமர்சனங்கள் எழுந்ததால் முதல்-மந்திரி மாயாவதி சி.பி.சி.ஐ.டி. விசாரணைக்கு உத்தரவிட்டார். இதையடுத்து போலீசார் சாகர் எம்.எல்.ஏ. மீதான புகாரை விசாரித்து கோர்ட்டில் வழக்கு தொடர்ந்தனர். கோர்ட்டு அவருக்கு ஜாமீன் வழங்க வகை செய்யும் வகையில் வாரண்ட் உத்தரவை பிறப்பித்தது.

ஆனால் எம்.எல்.ஏ. வாரண்ட் உத்தரவை ஏற்று கோர்ட்டில் ஆஜராகவில்லை. ஜாமீன் கோரியும் மனுதாக்கல் செய்யவில்லை. இதனால் சாகர் எம்.எல்.ஏ. மீது போலீசார் குற்றப்பத்திரிகை தாக்கல் செய்தனர்.

மாணவி ஜோதியை சாகர் எம்.எல்.ஏ. கடத்தி கற்பழித்த புகாரையும் போலீசார் உறுதிபடுத்தினார்கள். இதையடுத்து சாகர் எம்.எல்.ஏ. ஜாமீனில் வர இயலாதபடி உத்தரவை கோர்ட்டு வெளி யிட்டது.
இதனால் சாகர் எம்.எல்.ஏ. தலைமறைவானார். இதை அறிந்ததும் அவரை தேடப்படும் குற்றவாளியாக உத்தரபிரதேச கோர்ட்டு அறிவித்துள்ளது. காமவெறி பிடித்த அந்த எம்.எல்.ஏ.யை உத்தரபிரதேச போலீசாரால் இன்னமும் கைது செய்ய முடியவில்லை.