திறமைக்கு மட்டுமே முன்னுரிமை மண்டல அடிப்படையில் வீரர்கள் தேர்வு கிடையாது; ஸ்ரீகாந்த் திட்டவட்ட அறிவிப்பு

ரபீக் · ரபீக் Fri Jul 16, 2010 12:37 pm

மண்டல அடிப்படையில் கிரிக்கெட் வீரர்களை தேர்வு செய்ய முடியாது என்று ஸ்ரீகாந்த் கூறினார். இந்திய கிரிக்கெட் வீரர்கள் தேர்வு குழு தலைவர் ஸ்ரீகாந்த் டெல்லியில் நடந்த நிகழ்ச்சி ஒன்றில் பேசும்போது கூறியதாவது:-

இந்திய அணிக்கு வீரர்கள் தேர்வு செய்வதை மிகவும் கவனமுடன் செய்து வருகிறோம். மிக சிறப்பாக ஆடக்கூடிய 15 வீரர்களை மட்டுமே தேர்வு செய்கிறோம்.

எனவே மண்டலம் அடிப்படையில் ஒதுக்கீடு செய்து வீரர்களை தேர்வு செய்ய முடியாது. தேர்வு குழுவில் உள்ள எங்களுக்கு கொடுக்கப்பட்டுள்ள பணி சிறந்த 15 வீரர்களை தேர்வு செய்வது மட்டுமே. எனவே அதை மட்டுமே செய்கிறோம்.

ஒரே நகரில் 11 சிறந்த வீரர்கள் இருந்தால் அவர்கள் அனைவரையுமே தேர்வு செய்வோம்.

தேர்ந்தெடுக்கப்படும் வீரர்கள் தங்கள் திறமையை நிரூபிக்க போதிய கால அவகாசம் கொடுக்கப்படுகிறது. அவர்கள் மீது நம்பிக்கை வைத்து விளையாட வைக்கிறோம். ஒன்று அல்லது இரண்டு போட்டிகளில் அவர்கள் சரியாக விளையாடவில்லை என்பதற்காக நீக்கவிடுவது இல்லை.

சில ஆண்டுகளுக்கு முன்பு காம்பீரை அணியில் சேர்த்தபோது பெங்களூர் டெஸ்ட் போட்டியில் அவர் சரியாக ஆடவில்லை. ஆனால் அடுத்த தொடரிலும் அவர் தேர்வு செய்யப்பட்டு ஆடினார். அப்போது அவர் தனது திறமையை முழுமையாக வெளிப்படுத்தி சிறப்பாக ஆடினார்.

அணிக்கு கேப்டன் என்று யாரும் பிறந்து வருவது இல்லை. அந்த தகுதியை வீரர்கள் வளர்த்துக் கொள்ள வேண்டும். வழிநடத்தும் திறமையும், அனுபவமும் ஒருவரை கேப்டனாக உருவாக்கும்.

கபில்தேவ் இப்படித்தான் கேப்டனாக உருவானார். அவர் சக வீரர்களை உற்சாகப்படுத்தி திறமையை வெளிப்படுத்த செய்வார். அவருடைய தலைமை பண்பு, ஊக்கத்தால்தான் 1983-ல் உலக கோப்பையை இந்தியா வெல்ல முடிந்தது.

இவ்வாறு ஸ்ரீகாந்த் பேசினார்.

திறமைக்கு மட்டுமே முன்னுரிமை மண்டல அடிப்படையில் வீரர்கள் தேர்வு கிடையாது; ஸ்ரீகாந்த் திட்டவட்ட அறிவிப்பு

திறமைக்கு மட்டுமே முன்னுரிமை மண்டல அடிப்படையில் வீரர்கள் தேர்வு கிடையாது; ஸ்ரீகாந்த் திட்டவட்ட அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக