தெரிந்து கொள்ளுங்கள்: ஒரே ஆட்டத்தில் 23 கோல்கள் அடித்தவர்

ரபீக் · ரபீக் Tue Jul 13, 2010 10:44 am

ஒரே ஆட்டத்தில் 23 கோல்கள் அடித்தவர்ர் ஆட்டத்தில் 23 கோல்கள் அடித்தவர் பிரேசில் கால்பந்து அணியின் முன்னாள் கேப்டன் ரொனால்டினோ.

÷இவர் 1980-ம் ஆண்டு பிரேசிலின் போர்ட்டோ அலெக்ரேயில் பிறந்தார். இளம் வயதிலேயே கால்பந்து விளையாட்டால் கவரப்பட்ட ரொனால்டினோ, தனது 13-வது வயதில் உள்ளூர் அணிக்கெதிரான ஆட்டத்தில் 23 கோல்கள் அடித்தார்.

÷அதன்பிறகு 1997-ம் ஆண்டு எகிப்தில் நடைபெற்ற 17 வயதுக்குட்பட்டோருக்கான உலகக் கோப்பை போட்டியில் ஜொலித்ததன் மூலம் நட்சத்திர வீரராக அடையாளம் காணப்பட்டார். 1998-ம் ஆண்டு கிரிமியோ கிளப்பில் ஆடத்துவங்கிய ரொனால்டினோ 1999-ம் ஆண்டு பிரேசில் தேசிய அணியில் இடம்பிடித்தார். பிரீ கிக் அடிப்பதில் வல்லவராக விளங்கியவர். நடுகள தாக்குதல் ஆட்டக்காரராக மட்டுமன்றி சிறந்த தடுப்பாட்டக்காரராகவும் திகழ்ந்தவர்.

÷ 2000-ம் ஆண்டில் ஆஸ்திரேலியாவின் சிட்னி நகரில் நடைபெற்ற ஒலிம்பிக் போட்டியில் பிரேசில் அணி காலிறுதியில் கேமரூனிடம் தோற்று வெளியேறியது. ஆனால் சிறப்பாக விளையாடியதற்காக ரொனால்டினோ தங்கப் பதக்கம் வென்றார்.

÷2002-ம் ஆண்டு நடைபெற்ற உலகக் கோப்பை போட்டியில் முதன்முறையாக பங்கேற்ற ரொனால்டினோ இரு கோல்கள் அடித்தார். 5-வது முறையாக பிரேசில் உலகக் கோப்பையை வெல்வதற்கு ரொனால்டினோவும் காரணமானார். 2005-ம் ஆண்டு பிஃபா கூட்டமைப்பு கோப்பைக்கான போட்டியில் கோப்பையை வென்ற பிரேசில் அணிக்கு ரொனால்டினோ கேப்டனாக இருந்தார். 2006-ம் உலகக் கோப்பையில் விளையாடிய ரொனால்டினோ, பெரிய அளவில் ஜொலிக்கவில்லை. ÷ 2008-ம் ஆண்டு பெய்ஜிங் ஒலிம்பிக்கில் போட்டியிலும் பங்கேற்றார். இந்தாண்டு நடைபெற்ற உலகக் கோப்பையில் பங்கேற்ற பிரேசில் அணியில் அவர் இடம்பெறவில்லை. தற்போது மிலன் அணிக்காக விளையாடி வருகிறார்.

÷ இதுவரை பிரேசில் அணிக்காக 87 ஆட்டங்களில் விளையாடியுள்ள ரொனால்டினோ 32 கோல்கள் அடித்துள்ளார். பார்சிலோனா உள்ளிட்ட அணிகளுக்காக 310 ஆட்டங்களில் விளையாடி 128 கோல்கள் அடித்துள்ளார். 1999-ம் ஆண்டு ஃபிபா கூட்டமைப்பு கோப்பையின் அதிக கோல்கள் அடித்த வீரர் விருது, தங்கப்பந்து விருது, இரு முறை டான் பேலன் விருது, இரு முறை ஃபிபாவின் சிறந்த வீரர் விருது, ஐரோப்பாவின் சிறந்த வீரர் விருது, 2009-ம் ஆண்டின் தங்க ஷூ விருது ஆகியவற்றைப் பெற்றுள்ளார்.