பின்லேடன் மகன் ஒமர் மனநோயாளியானதால் பிரிந்தேன் என்கிறார் சாய்னா

ஒமர் மனநோயாளியானதால் தான், அவரை விட்டு பிரிந்து இருக்கிறேன். அவர் குணம் அடைந்ததும் மீண்டும் ஒன்று சேர்ந்து விடுவோம் என்று அவரது இங்கிலாந்து நாட்டு 54 வயது மனைவி சாய்னா கூறி இருக்கிறார்.
குழந்தை ஆசை

சர்வதேச பயங்கரவாதி பின்லேடனின் 29 வயது மகன் ஒமர். இவர் பின்லேடனின் 4-வது மகன் ஆவார். இவருக்கும், இங்கிலாந்தை சேர்ந்த 54 வயது ஜேன் பெலிக்ஸ் பிரவுன் என்ற பெண்ணுக்கும் காதல் ஏற்பட்டது. இருவரும் கடந்த 2006-ம் ஆண்டு திருமணம் செய்து கொண்டனர். திருமணத்துக்கு பிறகு ஜேன் தன் பெயரை சாய்னா அல் சபா என்று பெயர் மாற்றம் செய்து கொண்டார். இருவரும் கத்தார் நாட்டில் வசித்து வந்தனர்.

சாய்னா இதற்கு முன்பு 6 முறை திருமணம் செய்து கொண்டவர். அவருக்கு 5 பேரக்குழந்தைகள் இருக்கின்றன. இருவரும் குழந்தை பெற்றுக்கொள்ள விரும்பினார்கள். ஆனால் 54 வயதான சாய்னாவுக்கு குழந்தையை பெற்று எடுக்கும் சக்தி இல்லை என்று டாக்டர்கள் கூறி விட்டனர்.

வாடகைத்தாய்

இதன் பிறகு தான் இருவரும் வாடகை தாயின் உதவியை நாடினார்கள். அவர்களுக்கு கிடைத்த பெண் தான் இங்கிலாந்தை சேர்ந்த லூயிஸ் பொல்லார்டு என்ற 24 வயது பெண்.

இவர் பிரிஸ்டல் நகரை சேர்ந்தவர். இவர் வயிற்றில் பின்லேடனின் வாரிசு இப்போது வளர்ந்து வருகிறது.

ஒமரின் உயிர் அணு, சாய்னாவின் கருமுட்டைக்குள் வைக்கப்பட்டு அது கடந்த 2 ஆண்டுகளாக உறைய வைக்கப்பட்டு உள்ளது. வாடகைத்தாய் கிடைத்ததும் அவரது வயிற்றுக்குள் அது பொருத்தப்பட்டு உள்ளது.

பின்லேடனின் பேரக்குழந்தைக்கு வாடகை தாயாக இருப்பதால் எனக்கு கொலை மிரட்டல்கள் வருகின்றன என்கிறார் லூயிஸ் பொல்லார்டு.
இருவரும் பிரிந்தனர்

இதற்கிடையில் ஒமரும், சாய்னாவும் பிரிந்து விட்டனர். அவர் பிரிந்ததற்கு அவரது தந்தை தான் காரணம் என்கிறார் சாய்னா. அவர் மேலும் கூறியதாவது:-

தன் தந்தையை அவர் ஒரே நேரத்தில் விரும்பவும், வெறுக்கவும் செய்கிறார். சில நேரங்களில் அவரது மண்டைக்குள் அவர் தந்தை புகுந்து கொண்டு பேச தொடங்கி விடுவார். அவர் பேச்சை கேட்க தொடங்கி விட்டால் அவர் நடவடிக்கை வித்தியாசமாக மாறி விடும்.
தந்தை என்பதால் பின்லேடனை அவர் விரும்புகிறார். ஆனால் அவரது செயல்பாடுகளை அவர் வெறுக்கிறார். இந்த முரண் தான் அவரை மனநோயாளியாக்கி விட்டது. கடந்த சில வாரங்களாக அவர் நடத்தை அடுத்த வினாடி எப்படி இருக்கும் என்று கணிக்க முடியாத அளவுக்கு விநோதமாக இருந்தது. இதனால் அவர் வைத்தியசாலையில் சேர்க்கப்பட்டார். அங்கு அவரை பரிசோதித்த டாக்டர்கள் அவருக்கு ஷிசோபெர்னியா என்னும் மனநோய் தாக்கி இருப்பதாக தெரிவித்தனர்.

தற்காலிக பிரிவு தான்

இதனால் அவரை விட்டுப்பிரிவது என்று சாய்னா தீர்மானித்தார். இந்த பிரிவு வாடகைத்தாய் பொல்லார்டுக்கு வருத்தத்தை அளித்து உள்ளது.
இந்த பிரிவு தற்காலிகமானது தான் என்றும், ஓமர் குணமானதும் மீண்டும் ஒன்று சேர்ந்து விடுவோம் என்றும் சாய்னா தெரிவித்ததாக பொல்லார்டு கூறி இருக்கிறார்.

காதல் என்றால் சகலமும் வெளிய வரும் என்பது உண்மயானது.\

நன்றி தோழரே .