கலங்க வைக்கும் கருணை கொலைகள் : தொடரும் சமூக அவலம்

இந்தியாவில் ஆண்டுதோறும் 1000 கருணை கொலைகள் நடப்பதாக சமீபத்திய ஆய்வு தெரிவிக்கிறது. கருணை கொலைகளை தடுக்க சட்டங்களை கடுமையாக்க சட்ட நிபுணர்கள் வலியுறுத்தியுள்ளனர். கட்டாய திருமணம் மற்றும்
குழந்தை கடத்தல் பிரச்னை குறித்த சர்வதேச மாநாடு லண்டனில் நடந்தது. அதில், சத்திஸ்கர் மாநிலத்தை சேர்ந்த சட்டவல்லுனர் ரஞ்சித் மல்கோத்ரா, கட்டாய திருமணங்கள் குறித்து, ஆய்வுக் கட்டுரை ஒன்றை சமர்ப்பித்தார்.

இது தொடர்பாக மல்கோத்ரா கூறியதாவது: இந்தியாவில் தொடரும் சமூக அவலங்களால், ஆண்டுதோறும் 1000 கருணை கொலைகள் அரங்கேறுகின்றன. அதில் பஞ்சாப், உ.பி., மற்றும் அரியானா மாநிலங்களில் மட்டும், 900 கருணை கொலைகள்
நடக்கின்றன. கட்டாய திருமணங்களால் நடக்கும் கருணை கொலைகள் தொடர்பான குற்ற விவரங்களை தேசிய குற்றப்பதிவு துறை தனியாக பதிவு செய்வதில்லை. இதனால் இந்த கொடிய குற்றத்தை கண்காணிப்பதிலும், தடுப்பதிலும் பின்னடைவு ஏற்பட்டுள்ளது. பெரும்பாலான கருணை கொலை சம்பவங்களில் குடும்பத்தினர் பங்கு வகிப்பதால், அவை வெளி உலகுக்கு தெரிவதில்லை. மேலும் அந்த கொலைகளை குடும்பத்தினர் இயற்கையான மரணமென்று கூறி, உண்மையை மறைத்து விடுகின்றனர்.

சர்வதேச அளவில் கருணை கொலைகள் நடப்பதில் பாகிஸ்தான் முதலிடத்தில் உள்ளது. அதே அளவு இந்தியாவிலும் கருணை கொலை சம்பவங்கள் நடக்கிறது. இந்துக்கள் மட்டுமின்றி முஸ்லிம் மற்றும் சீக்கிய சமுதாயத்திலும் கருணை கொலைகள் நடக்கின்றன. பெரும்பாலான கருணை கொலைகள் கட்டாய திருமணத்தில்
ஏற்படும் பிரச்னைகளால் நடக்கிறது. சமூக நம்பிக்கைகளின் அடிப்படையில் பெண்களை திருமணம் செய்து கொள்ள குடும்பத்தினரும், சமூகத்தினரும் வற்புறுத்துகின்றனர். இதனை மறுக்கும் பெண்கள், கருணை கொலை செய்யப்படுகின்றனர். மேலும் விவாகரத்து கேட்கும் பெண்கள், உயர்கல்வி பெற விரும்பும் பெண்கள் ஆகியோரும் கருணை கொலை செய்யப்படுகின்றனர். இந்த சமூக அவலத்தை தடுக்க கடுமையான சட்டங்கள் தேவைப்படுகின்றன. இவ்வாறு மல்கோத்ரா கூறினார்.

நன்றி: தினமலர்.