முதல்வர் பதவிக்கு ஜெகன்மோகன் அவசரப்படுவது சரியல்ல: ரோசய்யா

ரபீக் · ரபீக் Sun Jul 11, 2010 6:08 pm

ஜெகன்மோகன் ரெட்டிக்கு நல்ல எதிர்காலம் உள்ளது. முதல்-மந்திரி ஆகவும் அவருக்கு தகுதி உள்ளது. ஆனால் அதற்கான நேரம் இன்னும் வர வில்லை. ஏதாவது செயலில் ஈடுபட்டால் முதல்வர் பதவி உடனே வந்து விடாது. முதல்-மந்திரி பதவியில் நான் தனி ஆளாக இல்லை. என் பின்னால் காங்கிரஸ் கட்சி உள்ளது என்று ஆந்திர முதல் மந்திரி ரோசய்யா தெரிவித்துள்ளார்.

ஆந்திர முதல்-மந்திரி ரோசய்யா ஐதராபாத்தில் நிருபர்களிடம் கூறியதாவது:-

ஜெகன்மோகன் ரெட்டி முதல்-மந்திரி பதவிக்கு ஆசைப்படுவதில் தப்பில்லை. ஆனால் அதற்கு அவர் நீண்ட நாள் காத்திருக்க வேண்டும். வெகு நாட்கள் காத்திருந்த பிறகு அவர் முதல்-மந்திரி பதவியை தனக்கு தருமாறு காங்கிரஸ் மேலிடத்திடம் கேட்டிருக்க வேண்டும். ஆனால் அவர் அவசரப்படுகிறார்.

முதல்- மந்திரியை தேர்வு செய்ய காங்கிரஸ் கட்சிக்கு ஒரு சம்பிரதாயம் உள்ளது. அதை அவர் தெரிந்து கொள்ள வேண்டும். அவருக்கு சரியான ஆலோசனை சொல்ல ஆள் இல்லை.

ஜெகன்மோகன் ரெட்டிக்கு நல்ல எதிர்காலம் உள்ளது. முதல்-மந்திரி ஆகவும் அவருக்கு தகுதி உள்ளது. ஆனால் அதற்கான நேரம் இன்னும் வர வில்லை. ஏதாவது செயலில் ஈடுபட்டால் முதல்வர் பதவி உடனே வந்து விடாது. முதல்-மந்திரி பதவியில் நான் தனி ஆளாக இல்லை. என் பின்னால் காங்கிரஸ் கட்சி உள்ளது.

நான் அஸ்தமிக்கும் சூரியன் மட்டுமல்ல, உதயமாகும் சூரியனும் நான் தான். முன்பு நிதி மந்திரியாக இருந்த போது நிறைய நேரம் கிடைத்தது. அப்போது எல்லோருடனும் சிரித்து பேசுவேன். இப்போது முதல்-மந்திரியான பிறகு பொறுப்பு கூடி விட்டது. 20 மணி நேரம் வரை வேலை செய்ய வேண்டி உள்ளது. இதனால் அடிக்கடி கோபம் வருகிறது.

ஜெகன் மோகன் ரெட்டி மீது நான் விரோத போக்கை கடைபிடிக்கவில்லை. ராஜசேகர ரெட்டி மிகப்பெரிய தலைவர் அதில் மாற்று கருத்துக்கு இடமே இல்லை.

இவ்வாறு அவர் கூறினார்.