டோனிக்காக ஒரு மணிநேரம் காத்திருந்த கேவலம்: சரத்பவார் மீது கடும்தாக்கு

raj001 · raj001 Sun Jul 11, 2010 1:51 pm

டோனிக்காக ஒரு மணிநேரம் காத்திருந்த கேவலம்: சரத்பவார் மீது கடும்தாக்கு
திருச்சியில் இந்தியன் வங்கி அசோசேஷியனின் 15வது மாநில மாநாடு தாஜ் ஹோட்டலில் நடைபெற்றது. இம்மாநாட்டுக்கு இந்தியன் வங்கி கிருஷ்ணமூர்த்தி தலைமை தாங்கினார். தமிழக போக்குவரத்துத்துறை அமைச்சர் கே.என்.நேரு வரவேற்றார். அகில இந்திய விவசாயிகள் சங்க துணைத் தலைவர் சந்திரா வாழ்த்துரை வழங்கினார்.
அகில இந்திய விவசாயிகள் சங்க துணைத் தலைவர் சந்திரா பேசுகையில்,
எங்கள் சங்கத்தின் சார்பாக இந்திய வேளாண்துறை அமைச்சர் சரத்பவாரை சந்திக்க அனுமதி கேட்டோம். அனுமதி கிடைக்கவில்லை. 20 நிமிடம் கிடைத்தால் போதும் என்று மீண்டும் அணுகினோம். அனுமதி கிடைக்கவில்லை.

ஆனால் இலங்கையில் நடக்கும் கிரிக்கெட் போட்டியில் பங்கேற்க, இந்திய கிரிக்கெட் அணியின் கேப்டன் டோனியை வழியனுப்ப ஒரு மணி நேரம் சரத்பவார் விமான நிலையத்தில் காத்திருக்கிறார்.

ஒரு விவசாயத்துறை அமைச்சர் விவசாய சங்க பிரதிநிதிகளிடம் கலந்துரையாட அனுமதி தரவில்லை. டோனியை இலங்கைக்கு வழிஅனுப்பி வைக்க ஒரு மணி நேரம் காத்திருப்பது கேவலமான விஷயம். இது கண்டனத்துக்கும் உரியது என்றார்..................
என்ன கொடுமை சார் இது