இந்திய இறையாண்மை என்பது வரைபடத்தில் மட்டுமே இருக்கும் ஒன்றாக மாறி விடும்: சீமான்

இந்திய அரசு இதுவரை உயிரிழந்த மீனவர்கள் அனைவருக்கும் 10 லட்ச ரூபாய் நஷ்ட ஈடும், இறந்தவரின் குடும்பத்தில் ஒருவருக்கு அரசு வேலையும் அளிக்க வேண்டும். அதற்குப்பின் தமிழகத்தின் அனைத்து அரசியல் கட்சிகளும் ஓரணியில் திரண்டு நம் மீனவனின் பிரச்சினைக்கு நிரந்தரத் தீர்வு காணவேண்டும். இல்லையெனில் இந்திய இறையாண்மை என்பது வரைபடத்தில் மட்டுமே இருக்கும் ஒன்றாக மாறி விடும்.
நாம் தமிழர் இயக்கத் தலைவர் சீமான் வெளியிட்டுள்ள அறிக்கையில் கூறி இருப்பதாவது:-

நாகப்பட்டினம் மாவட்டம், கோடியக்கரைக்கு தென்கிழக்கே கடலில் மீன் பிடித்துக் கொண்டிருந்த வேதாரணயம் பகுதி மீனவர்கள் மீது சிங்கள கடற்படையினர் புதன்கிழமை இரவு தாக்குதல் நடத்தியதில் நமது தமிழ் மீனவர் செல்லப்பன் கொல்லப்பட்டுள்ளார்.

இலங்கை கடற்படையால் சுட்டுக் கொல்லப்பட்ட இந்தியர்களான தமிழக மீனவர்களின் குடும்பங்களுக்கு இதுவரை ஒரு பெயருக்குக் கூட இந்திய அரசின் சார்பில் நிதியுதவியோ அல்லது வேறு வகையான உதவிகளோ செய்யப்படவில்லை. குறைந்தபட்சம் ஆறுதல் கூட தெரிவிக்கப்பட்ட தில்லை இந்திய தூதரகம் பெயரளவுக்கு கூட இலங்கையிடம் ஒரு கண்டனம் தெரிவிக்கவில்லை.

சில மாதங்களுக்கு முன் டெல்லியில் உள்ள இலங்கை தூதரகத்தின் முன் இன உணர்வாளர்கள் நடத்திய ஆர்ப்பாட்டத்தால் அங்குள்ள பூத் தொட்டி உடைந்தவுடன் பதை பதைத்து தன் கவலையை இலங்கைக்கு தெரிவித்த மத்திய அரசு, உடனடியாக விசாரணையை முடுக்கிய மத்திய அரசு இதுவரை செத்த 500க்கும் மேற்பட்ட தமிழ் மீனவனுக்கு என்ன செய்திருக்கின்றது?.

பிரான்சில் சீக்கியரின் பிரச்சினைக்காக விமானம் ஏறிச்சென்று வாதாடிய இந்தியப்பிரதமர் மன்மோகன் சிங் தினசரி கொல்லப்பட்டுக் கொண்டிருக்கும் தமிழ் மீனவனின் உயிர் குறித்து என்றாவது துளி அக்கறை காட்டியிருக்கின்றாரா?

முதற்கட்டமாக இதுவரை உயிரிழந்த மீனவர்கள் அனைவருக்கும் 10 லட்ச ரூபாய் நஷ்ட ஈடும், இறந்தவரின் குடும்பத்தில் ஒருவருக்கு அரசு வேலையும் அளிக்க வேண்டும். அதற்குப்பின் தமிழகத்தின் அனைத்து அரசியல் கட்சிகளும் ஓரணியில் திரண்டு நம் மீனவனின் பிரச்சினைக்கு நிரந்தரத் தீர்வு காணவேண்டும். இல்லையெனில் இந்திய இறையாண்மை என்பது வரைபடத்தில் மட்டுமே இருக்கும் ஒன்றாக மாறி விடும்.

இவ்வாறு அறிக்கையில் சீமான் கூறியுள்ளார்.

தமிழ்நாட்டை விட ஒரு சிறிய நாடு,வல்லமை பொருந்திய இந்தியாவுடன், (தமிழர்களை) அடித்து விளையாடுகிறது என்றால் இந்திய அரசின் துணையின்றி இது நடக்குமா? அல்லது இந்திய அரசு இதை கவனிக்க வில்லையா?

தமிழக அரசு இன்னும் என்ன செய்துகொண்டிருக்குறது??

மஞ்சள் துண்டு பெரிசு வெறும் கடிதம் மட்டும் எழுதிக்கொண்டிருக்கின்றார். இறந்தது இந்திய மீனவன். பிறகுதான் தமிழன். வட இந்தியவாலாக்களுக்கு இது ஒன்றும் பெரிய விசயமாக படவில்லை. இலங்கையில் திரைப்பட விழாவிற்கு சென்று வந்த நடிக,நடிகைகளிடமும் விளக்கம் கேட்கவேண்டும்.
இந்திய கடற்படை அதிகாரியும், தமிழக மீனவர்கள் எல்லை தாண்டி சென்றதால் தான் தாக்குதல் நடந்ததாக கூறுகின்றார். ஏன் எல்லை கடந்து வரும் சிங்கள மீனவர்களையும் இந்திய கடற்படை தாக்க வேண்டியதுதானே. அவர்களை கைது செய்து அழைத்து வந்து விருந்து கொடுத்து அனுப்புகிறோம். குஜராத் பகுதியிலிருந்து பாகிஸ்தான் கடல் எல்லைக்குள் நுழையும் இந்திய மீனவர்களை அவர்கள் கைது செய்துதான் அழைத்து செல்கின்றார்களே தவிர கொலைசெய்வதும் இல்லை, களவாடுவதும் இல்லை. இதெல்லாம் மனிதர்களுக்கு பிறந்தவர்களுக்குத்தான் தெரியும்.

பயணி wrote:மஞ்சள் துண்டு பெரிசு வெறும் கடிதம் மட்டும் எழுதிக்கொண்டிருக்கின்றார். இறந்தது இந்திய மீனவன். பிறகுதான் தமிழன். வட இந்தியவாலாக்களுக்கு இது ஒன்றும் பெரிய விசயமாக படவில்லை. இலங்கையில் திரைப்பட விழாவிற்கு சென்று வந்த நடிக,நடிகைகளிடமும் விளக்கம் கேட்கவேண்டும்.
இந்திய கடற்படை அதிகாரியும், தமிழக மீனவர்கள் எல்லை தாண்டி சென்றதால் தான் தாக்குதல் நடந்ததாக கூறுகின்றார். ஏன் எல்லை கடந்து வரும் சிங்கள மீனவர்களையும் இந்திய கடற்படை தாக்க வேண்டியதுதானே. அவர்களை கைது செய்து அழைத்து வந்து விருந்து கொடுத்து அனுப்புகிறோம். குஜராத் பகுதியிலிருந்து பாகிஸ்தான் கடல் எல்லைக்குள் நுழையும் இந்திய மீனவர்களை அவர்கள் கைது செய்துதான் அழைத்து செல்கின்றார்களே தவிர கொலைசெய்வதும் இல்லை, களவாடுவதும் இல்லை. இதெல்லாம் மனிதர்களுக்கு பிறந்தவர்களுக்குத்தான் தெரியும்.

மீனவர்களுக்கும் ஆயுதம் வழங்க வேண்டும்