"மன உணர்வை புரிந்து கொள்ள முடியும்' : மாற்றுத்திறனாளிகள் மகிழ்ச்சி

"மன உணர்வை புரிந்து கொள்ள முடியும்' : மாற்றுத்திறனாளிகள் மகிழ்ச்சி
பொள்ளாச்சி : பிறவியிலேயே பார்வை இல்லாத மாற்றுத்திறனாளிகள் இருவருக்கு, பொள்ளாச்சி அருகே நேற்று திருமணம் நடந்தது.

பொள்ளாச்சி அடுத்த தொண்டாமுத்தூர் ஊராட்சியை சேர்ந்தவர் ஈஸ்வரன் (23); ஒன்பதாம் வகுப்பு வரை படித்து, ஊதுபத்தி வியாபாரம் செய்து வருகிறார். பொன்னாண்டகவுண்டனூர் கிராமத்தை சேர்ந்தவர் சேர்ந்தவர் நாகமணி (20); ஏழாம் வகுப்பு வரை படித்துள்ளார். பிறவியிலேயே பார்வையில்லாத இருவருக்கும் பொள்ளாச்சியில் நேற்று திருமணம் நடந்தது.

புதுமண தம்பதியர் கூறியதாவது: கண் பார்வையில்லாத நபர் ஒருவர், பார்வையுள்ளவரை திருமணம் செய்து கொண்டால், சகிப்புத் தன்மையும், பொறுமையும் கட்டாயமாக வேண்டும். இல்லாவிட்டால், எதிர்காலத்தில் பல்வேறு பிரச்னைகள் உருவாகக்கூடும். தாழ்வு மனப்பான்மை காரணமாக இல்லறத்தில் மகிழ்ச்சி இருக்காது. ஆண், பெண் இருவருக்கும் பார்வையில்லாதபோது கருத்துகள் ஒரேமாதிரி இருக்கும். மன உணர்வுகளை எளிதாக புரிந்து கொள்ள முடியும் என்பதால் தாழ்வு மனப்பான்மை இருக்காது. தன்னம்பிக்கை மட்டும் இருந்தால் முடிந்தவரை போராடி வாழ்க்கையில் உயரலாம். மாற்று திறனாளிக் கென்று நடத்தப்படும் ஒலி ஆலயம் சேவா அறக்கட்டளையில் இருவரும் உறுப்பினராக உள்ளோம். இருவரும் ஒருவரை ஒருவர் நன்றாக புரிந்து கொண்டதால், திருமணம் செய்ய திட்டமிட்டோம்.

ஒலி ஆலயம் மாற்று திறனாளிகளுக்கான சேவா அறக்கட்டளை சார்பில் திருமணம் நடந்துள்ளது. தற்போது ஊதுபத்தி தயாரித்து வீடுகள் தோறும் விற்பனை செய்து வருகிறேன். அரசு உதவி கிடைத்தால், எதிர்காலத்தில் சுய தொழில் செய்து முன்னேற விருப்பமுள்ளது. நாங்கள் இருவரும் ஒருவரை ஒருவர் பார்க்க முடியாவிட்டாலும், உணர்வுகளை புரிந்து கொள்ள முடியும். இவ்வாறு, அவர்கள் கூறினர். திருமண ஏற்பாடுகளை பொள்ளாச்சி வடக்கிபாளையம் ஒலி ஆலய தலைவர் திருப்பதி, செயலாளர் சகாய தங்கையா ஆகியோர் செய்திருந்தனர்........இவர்களின் வாழ்கை நல்ல இறுக்க ஆண்டவனை பிரத்திகிறேன்..................நேசமுடன் அருண்.....

இவர்களை பார்த்தல் ஒரு பாடல் ஒன்று நாபகம் வருகிறது.....உன்னால் முடியும் தம்பி தம்பி........வாழ்த்த வயதில்லை....என்றும் நேசமுடன் அருண்.......

என் இனிய திருமண வாழ்த்துக்கள்

இருமனம் கலந்த திருமண வாழ்வு இனிதாய் அமைய வாழ்த்துக்கள் இணையருக்கு..