லஞ்சம் எனும் லட்சணமற்றகாசு

by ஹாசிம் Thu 8 Jul 2010 - 18:05

First topic message reminder :

அடுத்தவன் பணமென்றும்
அல்லலுடையவன் பணமென்றும்
அசிங்கமான முறைஎன்றும்
அறிந்திருந்தும் பெறுகிறாய்

செல்வம் சேர்க்கும் ஆசையில்
செழிப்பற்ற வழிதேடி
செம்மொழிகள் மறந்து
செல்லாக்காசாகிறாய்

ஆசைக்கு அடிபணிந்து
ஆற்றாமையில் பெறுகிறாய்
ஆற்றல்களை முடக்கி
ஆதரவு தர மறுக்கிறாய்

லஞ்சம் என்றுரைக்கும்
லட்சணமில்லா இப்பணத்தால்
லட்சியங்கள் இழந்து
லயித்துக்கிடப்பதேனோ..

கூடாத முறைதனில்
கூட்டியள்ளும் பணங்களால்
குடும்பத்தில் நிகழும்
குறை ஒன்றால் அழிந்திடுவாய்

படித்தவன் நீ என்று
பாமரன் உனை நாட
பக்குவம் மறந்து நீயும்
பரிதவிக்க ஏன் விடுகிறாய்

நீர் கற்ற கல்விக்கும்
நீர் பெற்ற தொழிலுக்கும்
நீர் பெறும் ஊதியத்தில்
நிம்மதி காண வேண்டாமா?