லஞ்சம் எனும் லட்சணமற்றகாசு

by ஹாசிம் Thu Jul 08, 2010 4:35 pm

அடுத்தவன் பணமென்றும்
அல்லலுடையவன் பணமென்றும்
அசிங்கமான முறைஎன்றும்
அறிந்திருந்தும் பெறுகிறாய்

செல்வம் சேர்க்கும் ஆசையில்
செழிப்பற்ற வழிதேடி
செம்மொழிகள் மறந்து
செல்லாக்காசாகிறாய்

ஆசைக்கு அடிபணிந்து
ஆற்றாமையில் பெறுகிறாய்
ஆற்றல்களை முடக்கி
ஆதரவு தர மறுக்கிறாய்

லஞ்சம் என்றுரைக்கும்
லட்சணமில்லா இப்பணத்தால்
லட்சியங்கள் இழந்து
லயித்துக்கிடப்பதேனோ..

கூடாத முறைதனில்
கூட்டியள்ளும் பணங்களால்
குடும்பத்தில் நிகழும்
குறை ஒன்றால் அழிந்திடுவாய்

படித்தவன் நீ என்று
பாமரன் உனை நாட
பக்குவம் மறந்து நீயும்
பரிதவிக்க ஏன் விடுகிறாய்

நீர் கற்ற கல்விக்கும்
நீர் பெற்ற தொழிலுக்கும்
நீர் பெறும் ஊதியத்தில்
நிம்மதி காண வேண்டாமா?

by ரபீக் Thu Jul 08, 2010 4:37 pm

லஞ்சம் வாங்குபர்களுக்கு இந்த கவிதை ஒரு "செரு"ப்படி(பிணை )

by ஹாசிம் Thu Jul 08, 2010 4:38 pm

ரபீக் wrote:லஞ்சம் வாங்குபர்களுக்கு இந்த கவிதை ஒரு "செரு"ப்படி(பிணை )

நன்றி றபீக் ஒத்தோதியமைக்கு

by மஞ்சுபாஷிணி Thu Jul 08, 2010 5:00 pm

காசுகொடுக்காமல் வேலை நடக்க
இந்தியத்தாத்தா நடமாடவில்லையே

காசுகொடுத்தாலாவது வேலை நடக்க
கைக்கட்டி வரிசையில் நிற்கையிலேயே

குறைகளை சுட்டிக்காட்டி ஒதுக்கித்தள்ளி
போய்வா மற்றொருநாள் பார்க்கலாம்

அசட்டையான பதிலும் காவியேறிய பற்களும்
கறைபடியாத கையும் இல்லை காப்பாற்ற நாதியுமில்லை

லஞ்சத்தின் பிறப்பு திருட்டுத்தனமாய் தொடங்கி
தொடர்ந்து கொண்டாடும் பகிங்கர விழாவாகிவிட்டது

உழைத்தவர்களின் வயிறுகட்டி வாய்க்கட்டி
உண்டுகளிப்பவர்களின் கையில் கொட்டி

இன்னமும் வேலை நடக்கவில்லை ஐயா...
நெஞ்சுபொறுக்குதில்லையே ஐயா....

இந்தியனே வெட்கப்படும் கேட்டினை
கேட்டு கண்டிக்க ஆளே இல்லையா?

சமூக சிந்தனையுடன் கைத்தட்ட வைக்கும் வரிகள்....
திருடி தின்பவன் உயர்ந்தவனாகிறான் இங்கே....
பிடுங்கி தின்பவனும் நாற்காலி பிரியனாகிறான் இங்கே....
லஞ்சமும் விட்டுவைக்குமா மக்களை நிம்மதியாக???

ஒவ்வொரு வரியும் சாட்டையடியாய்
ஹாசிமின் ஒவ்வொரு வார்த்தைகளும் நெருப்பில் தோய்த்த தகிப்பாய்.....

வரிகள் படிக்கும்போதே நெஞ்சம் கோபத்தில் துடிக்கும் படிப்பவருக்கு....

மிக மிக அருமையான வரிகள் ஹாசிம்....

என் அன்பு வாழ்த்துக்களுடனான நன்றிகள் சமூக சிந்தனைக்கொண்ட ஹாசிமுக்கு.... லஞ்சம் எனும் லட்சணமற்றகாசு 154550

by ஹாசிம் Thu Jul 08, 2010 5:04 pm

மஞ்சுபாஷிணி wrote:காசுகொடுக்காமல் வேலை நடக்க
இந்தியத்தாத்தா நடமாடவில்லையே

காசுகொடுத்தாலாவது வேலை நடக்க
கைக்கட்டி வரிசையில் நிற்கையிலேயே

குறைகளை சுட்டிக்காட்டி ஒதுக்கித்தள்ளி
போய்வா மற்றொருநாள் பார்க்கலாம்

அசட்டையான பதிலும் காவியேறிய பற்களும்
கறைபடியாத கையும் இல்லை காப்பாற்ற நாதியுமில்லை

லஞ்சத்தின் பிறப்பு திருட்டுத்தனமாய் தொடங்கி
தொடர்ந்து கொண்டாடும் பகிங்கர விழாவாகிவிட்டது

உழைத்தவர்களின் வயிறுகட்டி வாய்க்கட்டி
உண்டுகளிப்பவர்களின் கையில் கொட்டி

இன்னமும் வேலை நடக்கவில்லை ஐயா...
நெஞ்சுபொறுக்குதில்லையே ஐயா....

இந்தியனே வெட்கப்படும் கேட்டினை
கேட்டு கண்டிக்க ஆளே இல்லையா?

சமூக சிந்தனையுடன் கைத்தட்ட வைக்கும் வரிகள்....
திருடி தின்பவன் உயர்ந்தவனாகிறான் இங்கே....
பிடுங்கி தின்பவனும் நாற்காலி பிரியனாகிறான் இங்கே....
லஞ்சமும் விட்டுவைக்குமா மக்களை நிம்மதியாக???

ஒவ்வொரு வரியும் சாட்டையடியாய்
ஹாசிமின் ஒவ்வொரு வார்த்தைகளும் நெருப்பில் தோய்த்த தகிப்பாய்.....

வரிகள் படிக்கும்போதே நெஞ்சம் கோபத்தில் துடிக்கும் படிப்பவருக்கு....

மிக மிக அருமையான வரிகள் ஹாசிம்....

என் அன்பு வாழ்த்துக்களுடனான நன்றிகள் சமூக சிந்தனைக்கொண்ட ஹாசிமுக்கு....

உண்மையான அனுபவத்தின் வரிகள் உங்கள் வார்த்தைகள்
அத்தனையும் நொந்த மனங்களுக்குத்தான் புரியும் மன்னிக்கவும்
இதில் நீங்கள் கவலையடையும் படியாக இருந்தால்
மிக்க நன்றி உங்கள் பாராட்டும் வரிகளுக்கு