அமெரிக்காவில் நில நடுக்கம்: மக்கள் அலறியடித்து ஓட்டம்

ரபீக் · ரபீக் Thu Jul 08, 2010 8:56 am

அமெரிக்கா அருகே உள்ள ஹைதி, சிலி, ஹோண்டுராஸ் நாடுகளில் சமீபத்தில் நிலநடுக்கம் ஏற்பட்டது. இந்த நிலையில் அமெரிக்காவில் தெற்கு கலிபோர்னியா பகுதியில் திடீர் நிலநடுக்கம் ஏற்பட்டது.

போரேஜ் ஸ்பிரின்ஸ் நகரம் மற்றும் அதை சுற்றியுள்ள பகுதிகளில் கட்டிடங்கள் குலுங்கின. மக்கள் அலறியடித்து வீட்டை விட்டு வெளியே ஓடினார்கள்.

நிலநடுக்கம் ரிக்டர் ஸ்கேல் அளவுக்கு 5.9 புள்ளிகளாக பதிவாகி இருந்தது. இதனால் சேதம் ஏதும் ஏற்பட்டதாக இதுவரை தகவல் இல்லை.

இது பற்றி நகர நிர்வாக அதிகாரி மிகுல் கூறும்போது நிலநடுக்கம் அதிக சக்தி கொண்டதாக இருந்தது. 10-ல் இருந்து 15 வினாடிகள் வரை இது நீடித்தது என்று கூறினார்.