தமிழ் மொபைல் புத்தகம் செய்வது எப்படி? Tamil Mobilebook

மொபைல் போனுக்குரிய தமிழ் மின்நூல்கள் (Tamil MobileBooks) தற்போது வெளிவருவதை அறிவீர்கள். இதில் jar, jad என்று இரு files உள்ளன. இவற்றை ஜாவா (java) செயலி உள்ள மோபைல்களில் ஏற்றுவதன் மூலம் (mobile game போன்று) தமிழ் நூல்களை அதாவது கதை கவிதை போன்றவற்றை மொபைலில் சேமித்து விரும்பிய நேரங்களில் திறந்து படிக்க கூடியதாக உள்ளது. தற்சமயம் இப்படியான தமிழ் மின்நூல்கள் இலவசமாக பிரபலம் வாய்ந்த இணையப்பக்க மொன்றிலிருந்து தரவிறக்கம் செய்து கொள்ளக்கூடியதாக உள்ளது.
இவற்றை நாங்களும் இலவசமாக கிடைக்கும் ஒரு மென்பொருள் மூலம் இலகுவாக செய்து கொள்ள முடிகிறது.இதை எப்படியென்று நீங்களும் செய்து பார்க்கலாமே

கைத்தொலைபேசி மின்னூல் செய்வதற்கு முன் ஆயத்தங்கள் இவை
1. window system உள்ள கணனி (இதில்தான் செய்து பார்க்கப்பட்டது. வேறு வகை கணனிகளில் முயற்சிக்கவில்லை)
2. Java SE Runtime Environment (JRE) கணனியில் நிறுவப்பட்டிருக்க வேண்டும்
3. mjbook maker 4.7 மென்பொருள் தரவிறக்கம் செய்ய வேண்டும்
4. மின்னூல் ஆக்குவதற்கான கதை, கவிதை போன்ற எழுத்தாக்கம் வேண்டும்
5. TSCI font திஸ்கி எழுத்துருவும் கணனியில் தமிழ் எழுதுவதற்கான செயலி ஒன்றும் தேவை (உ+ம் எகலப்பை) (குறிப்பு இங்கு குறிப்பிடும் முறை நான் பிரத்தியேகமாக கண்டறிந்த முறை. அதை அப்படியே தருகிறேன். இதனிலும் பார்க்க சிறந்த வழி இருப்பின் பகிர்ந்து கொள்ளலாமே.)
முதலில் உங்கள் கணனியில் Java runtime Environment நிறுவப்பட்டுள்ளதா என தெரிந்து கொள்ளுங்கள். இல்லையேல் இலவசமாக இங்குள்ள முகவரியிலிருந்து தரவிறக்கம் செய்து நிறுவிக் கொள்ளவும்.
Java SE Runtime Environment (JRE)
http://java.sun.com/javase/downloads/index.jsp

மின்னூல் செய்வதற்கான மென்பொருள் mjbook 4.7 இது இலவசமின்பொருளாகும். இதன் homepage ஆனது தற்சமயம் பாவிப்பில் இல்லாதபோதும்(http://www.mjsoft.nm.ru/booke.htm) இந்த மென்பொருளை வேறு தளங்களிலிருந்து பெற்றுக்கொள்ள முடிகிறது
http://www.4shared.com/get/FgijUt95/mjBookMaker.html அல்லது
http://www.megaupload.com/?d=EXQDF3XC

தமிழில் எழுதப்பட்ட கதை அல்லது ஏதாவது நீங்கள் விரும்பிய ஆக்கம். இதை எழுதும்போது எகலப்பை, அழகி, குறள் போன்றவற்றில் ஒரு தமிழ் செயலி பாவித்து Notepad அல்லது wordpad போன்றவற்றில் எழுதவும் கவனிக்க வேண்டியது திஸ்கி (Tsci) எழுத்துருக்களில் ஒன்றை பிரயோகித்து Tscii முறையில் எழுதி சேமித்து கொள்ளவும்.
தமிழ் எழுதும் செயலியைப் பெற
http://thamizha.com/ekalappai-anjal
http://www.azhagi.com/
http://www.kuralsoft.com/download.htm#KuralFreeVersion

Tsci எழுத்துருவைப் பெற
http://www.tamil.net/tscii/tools.html
(வேறு வகையான எழுத்துருக்கள் சரியாக வரவில்லை.யுனிகோட், பாமினி தமிழ்99, Tab எழுத்து முறைகள் ஒத்து வரவில்லை. யாராவது இவைகளில் பாவித்து மின்னூல் செய்ய முடிந்தால் தெரியப்படுத்தவும்)

ஏற்கனவே வேறு எழுத்துருவை பாவித்து கதை எழுதப்பட்டிருந்தால் சுராதா.காம் இலுள்ள பொங்கு தமிழ் எழுத்துரு மாற்றி அல்லது NHM converter ஐ பாவித்து திஸ்கி முறைக்கு மாற்றிக் கொள்ளவும்.
http://www.suratha.com/uni2tsc.htm
http://software.nhm.in/products/converter


இப்போது mjbook maker ஐ தொடக்கவும். இதில் முதலில் மின் புத்தகத்துக்கான பெயர் அதைப்பற்றிய சிறிய தகவல் இவற்றை முதல் இரண்டு கட்டத்திலும் நிரப்பவும். source file ல் கதையின் இருப்பிடத்தை சுட்டிக் காட்டவும்
use MS windows and phone fonts ஐ தெரிவு செய்யவும் அதன் கீழே எழுத்துருவை தெரிவு செய்யவும். திஸ்கி எழுத்துரு ஒன்றையும் அதன் பருமனையும் தெரிவு செய்யவும். எழுத்தின் நிறமும் பின்புற நிறமும் தெரிவு செய்யலாம்.

மின்னூலில் ஆரம்பத்தில் படம் ஒன்றை சேர்க்க விரும்பினால் add image கட்டத்துள் தெரிவு குறியை போட்டு, மேற்பக்கமாக அதற்காக ஒதுக்கப்பட்ட கட்டத்துள் படம் இருக்கும் இடத்தை சுட்டிக் காட்டவும் வலது பக்கத்திலுள்ள மாதிரி எடுத்துக்காட்டியில் ஒழுங்காக தமிழ் எழுத்துகள் புரீயும் விதத்தில் தெரிவதை உறுதிப்படுத்திய பின் start ஐ அழுத்தவும் jar jad இரண்டு கோப்புகளும் உருவாக்கபட்டு கனனியில் mjbook maker folder க்குள் சேமிக்கபடும். கைத் தொலைபேசிக்கு மாற்றி சரியாக உள்ளதா என பரிசோதிக்கவும். இது பற்றிய கருத்துக்களை தெரிவிக்கவும்.

பகிர்வுக்கு நன்றி .நல்லதொரு தகவல் ....

மிகவும் எளிதானதாக உள்ளதே! பயனுள்ள தகவல் அண்ணா!

எனக்கு இவற்றை சோதித்துப் பார்ப்பதற்கான அலைபேசி இல்லை! எனவே இன்னும் செயல்முறைப்படுத்தவில்லை!

நான் முழு குரான் புத்தகத்தையும் அரபியில் மொபைல் புத்தகமாக கொண்டு வந்து விட்டேன், தனித்தனி ஸுராக்களாகவும் அல்லது முழு குரான் புத்தகமாகவும் படித்து கொள்ளாம், முழுக்குரான் புத்தகத்தில் மொத்த அளவே 16 கே பீ தான்

முழுக்க முழுக்க மொபைலில் எழுதபட்டதும் இது என்பது இங்கு குறிப்பிடத்தக்கது.