20,000 மெ. தொ. பெற்றோலில் அசுத்தப் பொருட்கள்

ஒரு கோடி 42 இலட்சம் டொலர்களை செலுத்த பெற். கூட்டுத்தாபனம் மறுப்பு
கொரியாவின் டேவூ நிறுவனத்திடம் இருந்து இறக்குமதி செய்யப்பட்டு 20 ஆயிரம் மெட்ரிக் தொன் பெற்றோலில் அசுத்தப் பொருட்கள் கலந்துள்ளமையால் அதற்காக செலுத்தப்பட வேண்டிய ஒரு கோடியே 41 இலட்சத்து 77 ஆயிரத்து 157 அமெரிக்க டொலர்களை செலுத்து வதில்லை என்று பெற்றோலியக் கூட்டுத்தாபனம் தீர்மானித்துள்ளது.

குறிப்பிட்ட இந்த பெற்றோலில் அசுத்தப் பொருட்கள் கப்பலில் வைத்தே சேர்ந்திருக்கலாம் என்பது உறுதிப்படுத்தப்பட்டுள்ளதால் அந்த பெற்றோலை எடுத்து வந்த கப்பலை கைப்பற்ற கொழும்பு கடற்படை நீதிமன்றத்தின் உத்தரவை பெறுவதற்கு பெற்றோலிய கைத்தொழில் அமைச்சின் செயலர் டைடஸ் ஜயவர்தன தெரிவித்தார்.

கொழும்பு வர்த்தக நீதிமன்றத்திடம் இருந்து பெறப்பட்ட தடையுத்தரவின் பேரில் மேற்படி பெற்றோலுக்காக செலு த்த வேண்டிய பணத்தை செலுத்தாமல் இருக்க தீர்மானிக்கப்பட்டதால் இந்த பெற்றோல் தொகையை இறக்குமதி செய்தமை தொடர்பாக கூட்டுத்தாபனத்து க்கு எந்த நஷ்டமும் ஏற்படவில்லை என்று அவர் மேலும் கூறினார்.

இது தொடர்பாக சட்ட ஆலோசனை களை பெற்றே நடவடிக்கை எடுத் திருப்பதாகவும் அவர் குறிப்பிட்டார்.

மிதிஷிலிழியினிரி (90 ஸினியி) என்ற ரகத்தை சேர்ந்த இந்த பெற்றோலை மீண்டும் கொண்டு செல்வதற்கு டேவூ நிறுவனம் இணக்கம் தெரிவித்துள்ளது. அத்துடன் வங்கிக்கு சமர்ப்பித்துள்ள நாணய உறுதிக் கடிதத்தை ரத்து செய்யவும் அதற்காக 38965 அமெரிக்க டொலர்களை கூட்டுத்தாபனத்துக்கு வழங்கவும் அந்த நிறுவனம் இணக்கம் தெரிவித்துள்ளது.

MT Helas Endurance என்ற இந்த கப்பலில் கொண்டுவரப்பட்ட பெற்றோலின் அசுத்தப் பொருட்கள் கலந்திருந்தபோதிலும் அதே கப்பலில் கொண்டு வரப்பட்ட ஒரு தொகை டீசல் நல்ல நிலையில் இருந்தமை குறிப்பிடத்தக்கது.