எளிமையான மேம்பாடு

by கோவை ராம் Tue Jul 06, 2010 6:28 pm

ஒரு குழாயில் நீர் வீணாகுவதை தடுக்க, ஒரு எளிய, ஆனால்,பலன் கொடுத்துக்கொண்டியிருக்கும் ஒரு சின்ன செயலைக் கண்டேன். அது உங்கள் பார்வைக்கு.

எளிமையான மேம்பாடு Photo0173t

இதே போல் ஒரு நிகழ்சியை ஒரு சுய முன்னேற்ற கருத்தரங்கில் கூரினார்கள்.
ஒரு சோப் தயாரிக்கும் நிருவனத்தில் ஒரு மணி நேரத்திற்கு பல சோப் தயாராகி வெளிவரும்.அதில் ஒரு சில மட்டும் கவரினுல் சோப் இல்லாமல் காலியாக இருக்கும்.இது கடைகளுக்கு சென்று வாடிக்கையாலர்கள் சொன்னவுடன் தான் தெரிந்தது.நினுவன அதிகாரிகள் என்ன செய்தாலும் ஒரு சில கவரினுல் சோப் இல்லாமல் காலியாக வந்து நிருவனத்திற்கு கெட்ட பெயர் வாங்கி தந்தது.

கடைசியில் அந்த நிருவனத்தில் கடைநிலை ஊழியரான ஒரு வயதானவர் ஒரு சிறு செயலை செய்தார்.அதாவது சோப் வெளியே வரும் வழியில் ஒரு மின்விசிரியை வைத்தார்.அதன் பலனாக காற்றின் வேகத்தில் சோப் இல்லாத கவர் தனியே விழுந்தது.பிரச்சனையும் முடிந்தது

மேல் கூறிய மேம்பாட்டிற்கு நீங்கள் அதிகம் செலவழிக்க தேவையில்லை, ஆனால், எந்த மேம்பாட்டிற்காக செய்யப்பட்டதோ, அதை அது எட்டியுள்ளது. சப்பானியர்கள், இதை காராக்குரி கைசன் (Karakuri Kaizen) என்று சொல்லுவார்கள். அந்த சொல்லை விவேகமான மேம்பாடுகள் என்று சொல்லலாம்.

இதுப் போன்ற சின்ன சின்ன எளிய, முன்னேற்றங்களை இந்திய நிறுவனங்களில் செய்ய சப்பானியர்களிடம் பயிற்சி பெறுவது தான் டோட்டல் புரொடொக்டிவ் மெயிண்டனெசு (TPM - Total Productive Maintenance), டொயோட்டோ புரொடொக்சன் சிசுடம் (TPS- Toyota Production Systems) போன்றவை 10~15 வருடங்களாக இந்தியாவில் நுழைந்து, பெரும்பணச்செலவுடன், இந்திய நிறுவனங்களுக்கு இத்தகைய மேம்பாடுகளை நோக்கி நகர பயிற்சிகள் தந்தவண்ணமே இருக்கின்றன. ஆனால், இதுவரை எந்த ஒரு இந்திய நிறுவனமும், சப்பானிய நிறுவனங்களுக்கினையாக மாறவில்லை.

இதற்கு பல காரணங்கள் சொல்ல முடியுமென்றாலும், தலையாய காரணங்களாக நான் கருதுவது, இரண்டை மட்டுமே.

1.உங்கள் பிரச்சனைகளை நீங்களே உணர்ந்து, நீங்களே அதை உங்கள் கைப்பணத்தை செலவழிப்பதுப் போன்ற ஒரு சூழ்நிலையில் நீங்கள் எடுக்கும் முடிவுகளும், வெளியிலிருந்து வரும் ஒரு நிபுனரின் ஆசையயை நிறைவேற்ற செய்யும் செயல்பாடுகளுக்கும் எப்பொழுதும் கடலளவு வித்தியாசம் காண முடியும்.

மேலே கூறியள்ள மேம்ப்பாடைக் கவனித்தால், எளிய முன்னேற்றத்தை நாம் சிந்திக்க தலைபட மாட்டோம்.

2.இதுப் போன்ற மேம்பாடுகளை நீங்கள் செய்வதாக இருந்தால், அதை கடைப்பிடிக்கம் ஒழுங்கு அனைவரிடமும் இருக்க வேண்டும்

ராம்