ஐந்தருவியில் போதையில் தள்ளாடிய இளம்பெண் கைது

ரபீக் · ரபீக் Sun Jul 04, 2010 10:11 am

குற்றாலத்தில் பெண் போலீஸ் என்று ஏமாற்றி போதையுடன் ஐந்தருவியில் குளித்த மதுரையை சேர்ந்த இளம் பெண்ணை போலீசார் கைது செய்தனர்.
குற்றாலம் ஐந்தருவியில் நேற்று ஏராளமான பெண்கள் குளிப்பதற்காக வரிசையில் நின்றனர். அப்போது அரைக்கால் சட்டை மற்றும் ஷர்ட் அணிந்து டிப்&டாப்பாக வந்த இளம் பெண் தன்னை பெண் போலீஸ் என்று கூறியபடி வரிசையை புறக்கணித்து முன்னேறி சென்றார்.

குளித்துக்கொண்டிருந்த பெண்களை அதட்டி விலகிச் செல்லுமாறு கூறி விட்டு குளித்தார். அவரது தோரணையே வித்தியாசமாக இருந்தது. இதை பார்த்த பணியில் இருந்த பெண் போலீஸ் ஒருவர், அவரை அழைத்து விசாரித்தார்.

அப்போது அவர் மதுரையை சேர்ந்த விமலா(21) என்பதும், அவர் 'மப்பில்' இருந்ததும் போலீஸ் என்று பொய் கூறி ஏமாற்றியதும் தெரியவந்தது. இதையடுத்து போலீசார் அவரை கைது செய்து குற்றாலம் போலீசில் ஒப்படைத்தனர். அவர் மீது பொதுமக்களுக்கு இடையூறு ஏற்படுத்தியதாக வழக்குப்பதிவு செய்யப்பட்டுள்ளது.