உதாசீனம் ஒரு பூமாலை- விவேகானந்தர்

**பிளேடு பக்கிரி** · 01/03/2010

தெய்வத்தை உணர வேண்டும் என்ற அருள் தாகம் உடையவன் அவனை அங்கும் இங்கும் தேடி அலைகிறான். புண்ணிய நதிகளிலும், புண்ணியத் தலங்களிலும் தேடிய பிறகு அவன் சிக்காததால், இறுதியில் தனக்குள் இருக்கிறானா என தேடுகிறான். ஆலயங்களில் அர்ச்சித்து ஆராதித்தும் கிடைக்காத அந்தப்பொருள், அண்டங்களுக்கு அப்பால் இருக்குமோ என சந்தேகப்பட்ட அந்தப் பொருள் உன் நெஞ்சிற்குள் குடிகொண்டிருக்கிறது உணர்ந்து கொள். உலகத்தை இருக்கின்றபடியே ஏற்றுக்கொள்ளும் மனப் பக்குவத்தை வளர்த்துக்கொள். வருகின்ற துன்பத்தை எல்லாம் அமைதியாகப் பொறுத்துக் கொள். பிறரால் உதாசீனப்படுத் தப்படும் போது அதை உனக்கு போடப்படும் பூமாலையாக நினைத்துக்கொள். அடிமையைப் போல்
நடத்தப்படும் போது, சுதந்திரக்காற்றை சுவாசிப்பதைப் போல கற்பனை செய்து
கொள். உலகில் உள்ள தீமைகளைப் பற்றி வருத்தம் கொள்ளாதே. உன் உள்ளத்தில்
இருக்கும் தீமைகளை மட்டும் எண்ணி வருத்தப்படு. உன்னை சீர்படுத்து. உன்
உள்ளத்தை ஒழுங் குபடுத்து. பிறகு உள்ளேயும், வெளியேயும் பரம் பொருளின்
சொரூபத்தை உன்னால் காண முடியும்.தன்னடக்கத்தைப் பழகாதவர், நடத்தையில் ஒழுங் கீனமானவர், மனநிம்மதியும், மனஅமைதியும் பெறாதவர், சஞ்சலப்பட்டு மனதைக்கெடுப்பவர், தியானம் பழகாதவர் ஆகியோர் படிப்பாளியாக இருந்தாலும் ஆண்டவனை நெருங்க முடியாது.