இந்தியாவில் ஆண்டுக்கு 1000 கெüரவக் கொலை: சட்ட நிபுணர்கள் தகவல்

by ரபீக் Mon Jul 05, 2010 6:09 pm

இந்தியாவில் ஒவ்வொரு ஆண்டும் 1000-க்கு மேலான கெüரவக் கொலைகள் (Honour killing) நடைபெறுவதாக சண்டீகரைச் சேர்ந்த சட்டநிபுணர்கள் தெரிவித்துள்ளனர்.

குடும்ப கெüரவத்தைக் காக்கிறோம் என்ற பேரில் இந்தப் படுகொலைகள் நிகழ்த்தப்படுகின்றன என்றும் அவர்கள் கூறியுள்ளனர்.

சர்வதேச அளவில் நடைபெறும் கட்டாயத் திருமணம், குழந்தை கடத்தல் ஆகியவை குறித்த மாநாட்டை லண்டன் மெட்ரோபாலிடன் பல்கலைக்கழகம் லண்டனில் சமீபத்தில் நடத்தியது. இந்த மாநாட்டில் பல்வேறு நாடுகளைச் சேர்ந்த சமூக ஆர்வலர்கள், சட்ட நிபுணர்கள் பங்கேற்று தங்களது கருத்துகளைத் தெரிவித்தனர்.

இந்நிலையில் சண்டீகரைச் சேர்ந்த சட்ட நிபுணர்களும் சகோதரர்களுமான அனீல் மல்கோத்ரா, ரஞ்சித் மல்கோத்ரா ஆகியோர் இந்த மாநாட்டில் பங்கேற்று, இந்தியாவில் நடைபெறும் கட்டாயத் திருமணம் குறித்தும், கட்டாயத் திருமணத்துக்கும் கெüரவக் கொலைக்கும் தொடர்புள்ளதை சுட்டிக்காட்டியும் அறிக்கை வெளியிட்டனர்.

அந்த அறிக்கையில் அவர்கள் கூறியிருப்பது: இந்தியாவில் கட்டாயத் திருமணம் பரவலாக நடந்து வருகிறது. இதுவே பெரும்பாலும் கெüரவக் கொலைக்கு காரணமாக உள்ளது. இந்தியாவில் திருமண விவகாரத்தில் பெரும்பாலான பெற்றோர்கள் தங்களுடைய விருப்பத்தை குழந்தைகள் மீது திணிக்கின்றனர்.

இவ்வாறு திணிப்பதை எல்லாக் குழந்தைகளும் ஏற்றுக்கொள்வதில்லை. சிலர் பெற்றோரை எதிர்த்து தங்களுக்கு பிடித்தவர்களை திருமணம் செய்து கொள்கின்றனர். இதை எல்லாப் பெற்றோர்களும் சகித்துக் கொள்வதில்லை. குடும்ப கெüரவத்தைக் காப்பதற்காக தங்களது குழந்தைகளை கொலை செய்யும் அளவுக்கு சென்றுவிடுகின்றனர்.

இதுபோன்ற நிகழ்வு இந்தியாவில் பரவலாக நடந்து வருகிறது. இதற்கு நாட்டின் பாரம்பரியமிக்க சமூக அமைப்பே காரணமாகவுள்ளது. நாட்டில் பஞ்சாப், ஹரியாணா மற்றும் மேற்கு உத்தரப் பிரதேசப் பகுதியில்தான் இதுபோன்ற கெüரவக் கொலைகள் அதிகமாக நடந்து வருகின்றன.

இந்த பகுதியில் மட்டும் ஆண்டுக்கு 900-க்கு குறையாமல் கெüரவக் கொலைகள் நடைபெறுவதாக இந்திய ஜனநாயக மாதர் சங்கம் தெரிவித்துள்ளது. கெüரவக் கொலை என்பது முஸ்லிம் மதத்தில் மட்டுமல்லாமல் இந்து, சீக்கிய மதத்திலும் பரவலாக நடக்கிறது.

கெüரவக் கொலை இந்தியாவின் முக்கியமான சமூகப் பிரச்னையாக உருவெடுத்துள்ளது. உலகத்திலேயே இந்தியா மற்றும் பாகிஸ்தான் ஆகிய இரு நாடுகளில்தான் அதிகமான கெüரவக் கொலை நடப்பதாக தெரியவந்துள்ளது.

நிலைமை இப்படியிருக்க, நாடு முழுவதும் நடக்கும் கெüரவக் கொலை குறித்த முறையான புள்ளிவிவரம் இந்திய அரசிடம் இல்லை. இதுபோன்ற மோசமான செயலில் ஈடுபடுவோரை கடுமையாகத் தண்டிக்கும் வகையில் சட்டமும் இல்லை.

இதை இந்திய உள்துறை அமைச்சகமும், சட்டம் மற்றும் நீதி அமைச்சகமும் கவனத்தில் கொள்ள வேண்டும். இதுபோன்ற குற்றத்தில் ஈடுபடுவோரை கடுமையாகத் தண்டிக்கும் விதத்தில் இந்திய தண்டனை சட்டத்தை திருத்தி அமைக்க வேண்டும் என்றும் அந்த அறிக்கையில் தெரிவித்துள்ளனர்.