தெனாலிராமன் கதை

ஒரு நாள் தெனாலிராமன் வீட்டிற்கு வேற்று நாட்டு ஒற்றன் ஒருவன், மன்னர் கிருஷ்ணதேவராயரைக் கொள்வதற்காக ஏதோ ஒரு வழியில் உறவு என்று சொல்லிக்கொண்டு வந்தான். அப்படி ஒரு உறவு தனக்கில்லை என்று சந்தேகம் முதலில் கொண்டான். பின் அவன் வீட்டில் தங்க சம்மதித்தான்.

ஒரு நாள் தெனாலிராமனும் அவன் குடும்பத்தினரும் உறவினர் வீட்டுக்குத் திருமணத்திற்காகப் பக்கத்து ஊர் சென்றுவிட்டனர். அப்போது அந்த ஒற்றன் தெனாலிராமன் எழுதுவது போன்றே ஒரு கடிதம் எழுதி என் இல்லத்துக்கு வந்தால் ஒரு அதிசயம் காண்பீர்கள் என்று தெருவித்தான்.

இது உண்மைதான் என்று எண்ணிய மன்னரும் தெனாலிராமன் வீட்டிற்கு விரைந்து வந்தார். உள்ளே நுழையும் சமயம் அந்த ஒற்றன் மன்னரைக் கொள்ள வாளை ஓங்கினான். உடனே மன்னர் வாளை மறித்து அந்த ஒற்றனை கொன்று விட்டார். மணனரிடமா அவன் ஜாலம் பலிக்கும். மன்னர் தான் முறையான போர் பயிற்சி பெற்றவராயிற்றே!

தெனாலிராமன் தான் மன்னரைக் கொள்ள இவ்வாறு சூழ்ச்சி செய்தான் என்று மன்னர் உட்பட அரண்மனைப்பிரமுகர்கள் அனைவரும் நம்பினர். தெனாலிராமனை அழைத்து விசாரித்தனர். இதில் தனக்கு எந்த விதத்திலும் பங்கு இல்லை என்று பலவாறு மன்றாடிப் பார்த்தான் பலன் இல்லை. இறுதியில் தெனாலிராமனுக்கு மரண தண்டனை விதிக்கப்பட்டது.

மன்னரும் தெனாலிராமனை அருகில் அழைத்து “எவ்வாறு சாக விரும்புகிறாய்” என்றார். அதற்கு தெனாலிராமன் “நான் கிழவன் ஆனபின் சாக விரும்புகிறேன்” என்றான். இதைக் கேட்டதும் மன்னர் நகைத்து விட்டார். பின் “இப்போதும் உன் சாமர்த்தியத்தால் தப்பி விட்டாய்” என்று மனதாரப் பாராட்டினார்.