உடுமலை திருமூர்த்தி அணையில் குதித்து தாய் 2 மகள்கள் தற்கொலை

by ரபீக் Sun Jul 04, 2010 7:22 pm

உடுமலை அமரலிங்க நாடார் வீதியைச் சேர்ந்தவர் சவுந்தரபாண்டியன். டயர் கடை நடத்தி வருகிறார். இவரது மனைவி மகாலட்சுமி (45). மகள்கள் சங்கீதா (22), தேவிகா (18). சங்கீதா எம்.சி.ஏ. படித்துள்ளார். தேவிகா பிளஸ்-2 முடித்துள்ளார்.

கடந்த 3 நாட்களுக்கு முன் வீட்டிலிருந்த தாய்- 2 மகள்களும் திடீரென்று மாயமானார்கள். அதிர்ச்சி அடைந்த சவுந்தரபாண்டியன் மற்றும் அவரது உறவினர்கள் பல்வேறு இடங்களுக்கு சென்று தேடினார்கள். எந்த தகவலும் கிடைக்கவில்லை.

இதைத் தொடர்ந்து தளி போலீசில் புகார் செய்யப்பட்டது. போலீசார் வழக்குப்பதிவு செய்து மாயமான தாய்- 2 மகள்களை தேடி வந்தனர்

இந்த நிலையில் உடுமலை அருகேயுள்ள திருமூர்த்தி அணையில் 2 இளம் பெண்களின் பிணம் மிதப்பதாக தகவல் வந்தது. உடுமலை போலீஸ் துணை சூப்பிரண்டு முருகானந்தம், தளி இன்ஸ்பெக்டர் முத்து மாணிக்கம், சப்- இன்ஸ் பெக்டர்கள் உமா மகேஸ்வரி, ராஜகோபால் ஆகியோர் சம்பவ இடத்துக்கு விரைந்து சென்றனர்.

மலைவாழ் மக்கள் உதவி யுடன் 2 உடல் களையும் மீட்டு பிரேத பரிசோதனைக்காக உடுமலை அரசு ஆஸ்பத்திரிக்கு அனுப்பி வைத்தனர்.

ஏற்கனவே 3 பெண்கள் மாயம் என்று தளி போலீசில் புகார் செய்யப்பட்டிருந்ததால் சம்பந்தப்பட்டவர்களை ஆஸ்பத்திரிக்கு அழைத்து வந்தனர். அவர்கள் இளம் பெண்களின் உடல்களைப் பார்த்து அடையாளம் காட்டினார்கள். இவர்கள் காணாமல் போன சங்கீதா, தேவிகா என்று கூறினார்கள்.

இந்த நிலையில் மகாலட்சுமியின் நிலை என்ன என்று தெரியாமல் இருந்தது. இன்று காலை அவரது உடலும் அணையில் மிதந்தது. போலீசார் விரைந்து சென்று உடலை மீட்டு உடுமலை அரசு ஆஸ்பத்திரிக்கு அனுப்பி வைத்தனர்.

குடும்ப பிரச்சினை காரணமாக வீட்டிலிருந்து வெளியேறிய தாயும், 2 மகள்களும் திருமூர்த்தி அணையில் குதித்து தற்கொலை செய்திருக்கலாம் என்று போலீசார் சந்தேகிக்கிறார்கள்.
3 பேரும் ஒரே நேரத்தில் இந்த பரிதாப முடிவை தேடிக்கொண்டதற்கான காரணம் குறித்து தீவிரவிசாரணை நடைபெறுகிறது.