febrile fits

by drrajmohan Sun Jul 04, 2010 6:29 pm

FEBRILE FITS ( சுர வலிப்பு ) ( ஜுர வலிப்பு )
ஆறுமாதம்முதல் ஆறு வயது வரை உள்ள குழந்தைகளை மட்டும் தாக்கும் . சுரம் அதிக மாக வரும் போதுசில குழந்தைகள் பேச்சு மூச்சு இன்றி ,கண்கள் மேலே சொறுகி ,வாயில்நுரை தள்ளி , கை கால்கள் வெட்டி வெட்டி இழுக்கும் . இது ஐந்துமுதல் பத்துநிமிடம் வரை இருக்கும் . பின் வலிப்பு நின்றுவிடும் . சிறிது நேரம்சுய நினைவு இல்லாமல் இருக்கும் . பிறகு சாதரண நிலைக்கு வரும். இது எப்பொழுது சுரம் அதிகம் வந்தாலும் வரும் .

முதலுதவி :
பதற்றம் அடயகூடாது
காற்றோட்டம் வரும்படி குழந்தையை
வைக்கவும்
ஒருக்களித்து படுக்க வைக்கவும்
வாயில் உள்ள நுரை மற்றும் எச்சிலை துடைக்கவும்
உடைகளை அகற்றவும் .

தலை முதல் கால் வரை ஈரமான துணி கொண்டு துடைத்து விடவும் . இது மிக முக்கியம் . மீண்டும் மீண்டும் இது போல் ஜுரம் குறையும் வரை செய்யவும் .

மருந்துகள்

PARACETAMOL -ஜுரம் குறைய தரவும். (dose 15mg/kg/dose)
அதாவது பத்து கிலோ எடை உள்ள குழந்தைக்கு 150 mg தரவும் . இதை ஆறு மணி நேரத்திற்கு ஒரு முறை தரவும் .

FRISIUM - என்ற மாத்திரை வலிப்பு மீண்டும் வராமல் தடுக்க தரலாம் .
இதை மருத்துவர் ஆலோசனை பெற்று தரவும்

DIAZEPAM SUPPOSITORY- வாய் வழியே மாத்திரை தர முடியாமல் போனால் இந்த மருந்தை ஆசனவாயில் வைத்தால் வலிப்பு வராமல் தடுக்க முடியும் .

வரும் முன் காப்பதே சிறப்பு
.
எனவே சுரம் வந்தவுடன் முன் எச்சரிக்கையாக
தண்ணீர் வைத்து துடைத்து விடுவது நலம் .

இதற்கு சாதாரண குழாய் தண்ணீரை பயன் படுத்தவேண்டும் .

சுடு நீர் அல்லது குளிர் நீர் கூடாது .