அதிகாரம், பதவியை ஏற்க மறுத்து மக்கள் பணியாற்றியவர் மூப்பனார்: பிரணாப் முகர்ஜி

பிரதமர் பதவி தேடி வந்தபோதும், அதை மறுத்து மக்கள் பணியாற்றியவர் ஜி.கே. மூப்பனார் என்றார் மத்திய நிதி அமைச்சர் பிரணாப் முகர்ஜி.

தஞ்சாவூர் மாவட்டம், கும்பகோணம் உச்சிப்பிள்ளையார் கோயில் எதிரில் மூப்பனாரின் முழு உருவ வெண்கலச் சிலையை சனிக்கிழமை திறந்துவைத்து அவர் மேலும் பேசியது:

மூப்பனார் ஒரு தனிச் சிறப்பு வாய்ந்த அரசியல்வாதி. 40 ஆண்டுகள் அரசியல் வரலாறு கொண்டவர். பல்வேறு நேரங்களில் அவருடன் சேர்ந்து பணியாற்றியுள்ளேன். காந்தியின் வழியில் நம்பிக்கை கொண்டு எளிமையான, தூய்மையான அரசியல் வாழ்வு மேற்கொண்டவர்.

மிகவும் செல்வந்த குடும்பத்தில் பிறந்தாலும் பணம், செல்வாக்கை நம்பாதவர். காமராஜரை பின்பற்றி ஏழை, எளிய அடித்தட்டு மக்களுக்காகப் பாடுபட்டவர். பண்பட்ட நாடாளுமன்றவாதியாகவும், இயக்கத் தலைமையிடம் அர்ப்பணிப்பு உணர்வுடனும் வாழ்ந்தார்.

1978-ல் காங்கிரஸ் கட்சி உடைந்த போது, மூப்பனார் தனது ஆதரவாளர்களுடன் இந்திரா காந்தி தலைமையை ஏற்று செயல்பட்டார். அப்போது, கட்சி சின்னம், அலுவலகம், நிதி ஆகியவற்றை இந்திரா காந்தி பயன்படுத்தத் தடை விதிக்கப்பட்டது.

பின்னர் அக்பர் சாலையில் ஒரு சிறிய பங்களாவில் தாற்காலிகமாக செயல்பட்ட கட்சி அலுவலகத்தையும் காலி செய்யும் நிலை ஏற்பட்டபோது, அந்த பங்களாவை தனது பெயரில் விலை கொடுத்து வாங்கி இந்திராவுக்கு அளித்த மூப்பனார், வெஸ்டர்ன் கோர்ட் சாலையில் ஒரு சிறிய அறையில்தான் கடைசிவரை வாழ்ந்தார். அவரது மகனும், மத்திய அமைச்சருமான ஜி.கே. வாசன் அதே அறையில் 9 ஆண்டுகளாக இருந்து வருகிறார்.

இயக்கப் பணிகளை திட்டமிட்டு தேர்ந்த அணுகுமுறையில் மூப்பனார் செயல்படுத்தியதால், இந்திரா அவரை காங்கிரஸ் பொதுச் செயலராக நியமித்தார். யதார்த்தமான அணுகுமுறை, சிக்கலான நேரத்திலும் திறமையாக முடிவெடுப்பவர் என்பதால், கட்சியில் எங்கு பிரச்னை ஏற்பட்டாலும் அதை தீர்க்கும் நம்பிக்கையும், தகுதியும் கொண்டவராக இருந்தார்.

பல மாநிலங்களில் முதல்வர்களையும், மாநிலத் தலைவர்களையும் மாற்றவேண்டிய நிலை ஏற்பட்ட போது, அவர்களின் மனம் நோகாமலும், அவர்களுடனான உறவும், நட்பும் பாதிக்கப்படாமலும் கட்சியின் முடிவை நிறைவேற்றினார்.

1996, 98 தேர்தல்களில் காங்கிரஸ் கட்சி தோற்றபோது, ஐக்கிய முன்னணி அரசின் பிரதமராக யார் இருக்க வேண்டும் என்பதை தீர்மானிக்கும் சக்தியாக காங்கிரஸ் இருந்தது. அப்போது வி.பி. சிங் பிரதமராகத் தயாராக இல்லை. ஜோதிபாசுவை நியமிக்கலாம் என்றபோது அவரது கட்சி அதை ஏற்கவில்லை. மூப்பனாரை தேர்வு செய்யலாம் என்று அவரிடம் பேச்சு நடத்த கட்சித் தலைமை என்னை நியமித்தது. நான் சென்று அவரிடம் கூறியபோது, "நான் அதிகாரத்தை தேடுவதில்லை மக்கள் தொண்டனாகத்தான் இருக்க விரும்புகிறேன்' என்று மிகுந்த அடக்கத்துடன் அதை மறுத்தவர் மூப்பனார்.

காங்கிஸ் கட்சியின் வரலாற்றில் காந்திக்குப் பின்னர் அதிகாரம், பதவியை மறுத்த மூன்று மனிதர்கள் காமராஜர், மூப்பனார், சோனியா காந்தி மட்டுமே என்றார் பிரணாப் முகர்ஜி.

காங்கிஸ் கட்சியின் வரலாற்றில் காந்திக்குப் பின்னர் அதிகாரம், பதவியை மறுத்த இரண்டு மனிதர்கள் காமராஜர், மூப்பனார்,என்றால் பொய்யில்லை ,இருப்பினும் பிரதமமந்திரி ,வாய்ப்பு வந்தபோது இன்றைய முதல்வரால் மறுக்கப்பட்டபோது,
முப்பனாருக்கு அதிர்ச்சி அடைந்தார் ,என்பதும் உண்மை ..

நன்றி தோழரே பகிர்வுக்கு ............

kalaimoon70 wrote:காங்கிஸ் கட்சியின் வரலாற்றில் காந்திக்குப் பின்னர் அதிகாரம், பதவியை மறுத்த இரண்டு மனிதர்கள் காமராஜர், மூப்பனார்,என்றால் பொய்யில்லை ,இருப்பினும் பிரதமமந்திரி ,வாய்ப்பு வந்தபோது இன்றைய முதல்வரால் மறுக்கப்பட்டபோது,
முப்பனாருக்கு அதிர்ச்சி அடைந்தார் ,என்பதும் உண்மை ..

நன்றி தோழரே பகிர்வுக்கு ............

கலைஞர் தானும் வாழமாட்டார்(வாழத் தெரியாது), அடுத்தவனையும் வாழ விட மாட்டார்.

தமிழர்களை கொன்றவன் பிரணாப்