சகிப்புத்தன்மை வேண்டும்-விவேகானந்தர்

by **பிளேடு பக்கிரி** Sat Jul 03, 2010 8:22 pm

மக்களுக்குச் செய்யும் தொண்டே மகேசனுக்குச் செய்யும் தொண்டு. நாத்திகனுக்கு
தர்மசிந்தனை இருக்கலாம். ஆனால், மதகோட்பாடு இருக்க இயலாது. மதத்தில்
நம்பிக்கை வைத்தவனுக்கு தர்மசிந்தை அவசியம் இருக்க வேண்டும். குருவாகப்
பிறந்த ஆன்மாக்களைத் தவிர, மற்றவர்களும் குருவாவதற்கு விரும்பி அழிந்தும்
போகின்றனர்.

நாம் செல்வச் செழிப்போடு வாழ்ந்தாலும்,
இறந்துவிட்டபின் இவை நம்முடன் வருமா? நாம் அழியும் செல்வத்தைச் சேர்க்க
நினைப்பதைவிட அழியாத ஒன்றைப் பெறுவதுதான் ஆண்மைக்கு அழகு. செல்வத்தைக்
கொண்டு ஒரு மனிதனை மதிப்பவனைவிட, அரசனையும், ஆண்டியையும் ஒன்றாக
நினைத்துவாழும் துறவிகளின் வாழ்வே சிறந்தது.

மரணத்தை வென்று,
அதற்கு மேல் உள்ள மெய்ப்பொருள் என்ன என்பதனைத் தெரிந்து கொள்ளத்
துடிக்கும் துறவற வாழ்க்கையே மேல். இந்த உலகில் மிருகங்களை
மட்டுமின்றி மிருகத்தனம் கொண்ட எதையும், பயத்தை உண்டுபண்ணுகிற எதையும்
எதிர்த்து நிற்க வேண்டும். அவற்றுடன் போராட வேண்டும். பயந்து ஓடலாகாது.
மிருகத்தை மனிதனாக்குவதும், மனிதத்தைத் தெய்வம் ஆக்குவதும்
மதம்.

மக்கள் எவராயினும் சகிப்புத் தன்மையோடு, பிறருடைய
சமயங்களில் பரிவு காட்டவேண்டும். மதங்கள் எல்லாமே உண்மையானவை
தாம்! ஆனால், ஒரு மதத்திலிருந்து வேறொரு மதத்திற்கு மக்களை மாறச்செய்வது
பொருளற்றது. ஒவ்வொருவருக்கும் தம் தம் மதங்களில் முன்னேற்றம் அடையவேண்டும்
என்பதே குறிக்கோளாக இருக்க வேண்டும்.

by அன்பு தளபதி Sat Jul 03, 2010 8:39 pm

நல்ல பதிவை தந்த ப்ளேட் க்கு நன்றி

by திவா Sat Jul 03, 2010 8:48 pm

by ackannan Fri Jul 09, 2010 11:07 pm

மீண்டும் மீண்டும் படித்து, புரிந்து உள்மனது உணரும் வரை படிக்க வேண்டிய முத்து போன்ற சொற்கள் அழித்த தோழருக்கு எண்ணற்ற நன்றிகள்.

by **பிளேடு பக்கிரி** Sat Jul 10, 2010 12:28 am

ackannan wrote:மீண்டும் மீண்டும் படித்து, புரிந்து உள்மனது உணரும் வரை படிக்க வேண்டிய முத்து போன்ற சொற்கள் அழித்த தோழருக்கு எண்ணற்ற நன்றிகள்.

சகிப்புத்தன்மை வேண்டும்-விவேகானந்தர் 678642

by iraivanadimai Tue Feb 05, 2013 6:21 pm

மிகசிறந்த கருத்து பிளேடு பக்கிரி அவர்களே சூப்பருங்க

உங்கள் பெயரை பார்த்ததும் சற்று பயந்துவிட்டேன்

Code:: மக்கள் எவராயினும் சகிப்புத் தன்மையோடு, பிறருடைய சமயங்களில் பரிவு காட்டவேண்டும். மதங்கள் எல்லாமே உண்மையானவை தாம்! ஆனால், ஒரு மதத்திலிருந்து வேறொரு மதத்திற்கு மக்களை மாறச்செய்வது பொருளற்றது.

பிறருடைய சமயங்களில் பரிவு காட்டக்கூடாது என்று சில சமயங்கள் சொல்கின்றனவே என்ன செய்வது சோகம்