இறங்கி வந்த வடிவேலு நட்பை பொழிந்த சுந்தர்சி

by ரபீக் Sat Jul 03, 2010 5:29 pm

'யோவ்... இந்த ஏரியாவுல நான் ரவுடின்னு ஃபார்ம் ஆயிட்டேன்யா' என்று வம்படியாக போலீஸ் ஜீப்பில் ஏறும் வடிவேலுவுக்கு 'தலைநகரம்' பட(மு)ம் ஒரு மாஸ்டர் பீஸ்! சுந்தர் சி-வடிவேலு காம்பினேஷனில் யார் கண் பட்டதோ, அடுத்த படத்தில் வெட்டுக்குத்து ரேஞ்சுக்கு போனது இருவரின் தோழமை! அப்புறம் விவேக்கின் துணையோடு சில பல கொட்டாவிகளை தியேட்டருக்கு அனுப்பினார் சுந்தர்சி.

இவர்களுக்கு நடுவேயான பிரச்சனையை தீர்க்க குஷ்புவே களத்தில் இறங்கியும் ஒரு இஞ்ச் கூட நகரவில்லை கூட்டுறவு முயற்சி. ஆனால் எல்லாவற்றும் காலம் வந்தால் முடிவும் வந்துதானே ஆக வேண்டும். திடீரென்று வடிவேலு ஆபிசுக்கே சென்று சந்தித்திருக்கிறார் சுந்தர்சி. இந்த சந்திப்புக்கு பிறகு இருவரும் கட்டிப்பிடித்து போஸ் கொடுக்கவில்லை, அவ்வளவுதான். மீண்டும் பழைய கலாட்டாவுக்கு தயாராகிவிட்டார்கள்.

தலைநகரம் படத்தின் 2-ம் பாகமான 'நகரம் மறுபக்கம்' படத்தில் வாழ்வே மாயம் கமல் மாதிரி ஒரு கெட்டப்பில் வந்து துவம்சம் ஆக்கப் போகிறாராம் வடிவேலு.