அரசு மருத்துவமனையில் அனாதையாக ஒரு ஜீவன் : எங்கே போனது மனிதாபிமானம்

**உமா** · **உமா** Sat Jul 03, 2010 12:51 pm

பல நாட்கள் சாப்பிடாததால், தோல் போர்த்திய எலும்புக்கூடாய், தவழ்ந்து செல்லக்கூட வழியில்லாமல், யாரையும் உதவிக்கு அழைக்க சக்தி இல்லாமல், அழுக்கு சட்டை, கைலியுடன், மதுரை அரசு மருத்துவமனையில், "யாராவது காப்பாற்றவார்களா' என்று 45 வயது மதிக்கத்தக்க ஒரு ஜீவன், வயிற்றுக்கும், தொண்டைக்கும் இடையே போராடிக் கொண்டிருந்தது. சாப்பாடு டோக்கன் வழங்கும் இடத்தில், யாரோ இவரை நேற்று முன் தினம் அனாதையாக வீசிவிட்டு சென்றுள்ளனர். யிர்களை காப்பாற்ற வேண்டும் என்று போராடும் இம்மருத்துவமனையில், உயிருக்கு போராடிய அந்த ஜீவனை யாரும் கண்டுகொள்ளவில்லை. மனிதாபிமானம் எங்கே போனது?இவரை கவனித்த நமது நிருபர், உடனடியாக மருத்துவமனை நிர்வாகத்தின் கவனத்திற்கு கொண்டு சென்றார். இந்த இடைப்பட்ட நேரத்தில், அவ்வழியாக வந்த மருத்துவமனை சுகாதார ஆய்வாளர் ராஜேந்திரன், உடனடியாக "ஸ்டிரெச்சரை' வரவழைத்து, வார்டு 113க்கு அழைத்துச் சென்றார். டாக்டர்கள் பரிசோதித்ததில், பசிதான் அவருக்கு "நோய்' என தெரியவந்தது. அதுதான் அவருக்கு மருந்தும் என முடிவு செய்து, உடனடியாக டீயும், பன்னும் வழங்கினர்.

இதன்பிறகுதான் கொஞ்சமாய் வாய் திறந்தார் அந்த நபர். "என் பேரு தம்பித்துரை. சாத்தூர் பக்கம் ஊரு' என்று மட்டும் முனங்கிய அவர், தொடர்ந்து பேச சக்தியில்லாமல் சுருண்டு படுத்துக்கொண்டார். தற்போது அவருக்கு குளூக்கோஸ் ஏற்றப்பட்டு வருகிறது. இன்று அவர் தெம்பானவுடன், முழு விபரத்தையும் கேட்டு, உறவினர்களிடம் ஒப்படைக்க மருத்துவமனை நிர்வாகம் முடிவு செய்துள்ளது

அரசு மருத்துவமனையில் அனாதையாக ஒரு ஜீவன் : எங்கே போனது மனிதாபிமானம் Large28251