நற்குணமுடையோரே நம்மில் சிறந்தவர்

அப்புகுட்டி · அப்புகுட்டி Fri Jul 02, 2010 1:36 pm

நற்குணமுடையோரே நம்மில் சிறந்தவர்
ஒரு முஸ்லிமின் அந்தஸ்தை உலகில் உயர்த்துவதுடன், மறுமையில் தராசின் தட்டை கனமாக்குவதில் நற்பண்புகளுக்கு இணையானது வேறெதுவுமில்லை. நபி(ஸல்) அவர்கள் கூறினார்கள்.

‘மறுமை நாளில் முஃமினின் தராசுத் தட்டில் நற்பண்புகளை விட கனமானது வேறெதுவுமில்லை. நிச்சயமாக அல்லாஹ் இழிவான நடத்தை உள்ளவனையும், அருவருப்பாகப் பேசுபவனையும் கோபிக்கின்றான்’. (திர்மிதி)

நபி (ஸல்) அவர்கள் மனிதர்களில் மிகவும் நற்குணம் உடையவர்களாகத் திகழ்ந்தார்கள். நபி (ஸல்) அவர்களின் பணிவிடையாளரான அனஸ் (ரலி) அவர்கள் பின்வமாறு கூறினார்கள். “நான் நபி (ஸல்) அவர்களுக்கு பத்து ஆண்டுகள் பணிவிடை செய்தேன்.

அவர்கள் என்னிடம் ஒருபோதும் ‘சீ’ என்று கூறியதில்லை. நான் செய்த எந்தக் காரியத்துக்கும் ஏன் செய்தாய் என்றோ, நான் செய்யாத எந்தக் காரியத்துக்கும் ஏன் அதைச் செய்யவில்லை என்றோ கூறியதில்லை’. (ஸஹீஹுல் புஹாரி)

நபி (ஸல்) அவர்கள் கூறினார்கள். ‘உங்களில் சிறந்தவர் யாரெனில் உங்களில் நற்குணத்தால் அழகானவரே’ (ஸஹீஹ¥ல் புஹாரி) மேலும் கூறினார்கள், ‘உங்களில் எனக்கு மிகவும் நேசத்துக்குரியவரும், மறுமையில் சபையால் எனக்கு மிகவும் நெருக்கமானவரும், யாரெனில், உங்களில் நற்குணத்தால் மிகவும் அழகானவரே. உங்களில் எனக்கு மிகவும் கோபத்துக்குரியவர், மறுமை நாளில் என்னிடமிருந்து தூரமானவர் யாரெனில் அதிகமாகப் பேசுபவர், அடுக்கு மொழியில் பேச முயற்சிப்பவர், அகந்தை உடையவர் ஆகியோரே’. (ஸ¤னனுத் தீர்மிதீ)

அல்லாஹ்வின் அருள்பெற்ற நபித் தோழர்கள் நபி (ஸல்) அவர்களின் நற்பண்புகளைக் கண்டார்கள். அதனைச் செயற்படுத்தினார்கள். இதனால் உலகில் எந்தச் சமுதாயத்திலும் காணமுடியாத உயர் பண்புடைய முன்னோடிகளாகத் திகழ்ந்தார்கள்.

**பிளேடு பக்கிரி** · 01/03/2010

நற்குணமுடையோரே நம்மில் சிறந்தவர்

நற்குணமுடையோரே நம்மில் சிறந்தவர்

Re: நற்குணமுடையோரே நம்மில் சிறந்தவர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக