பாம்பு எவ்வாறு நடனமாடுகிறது!

**சிவா** · **சிவா** Sun Jul 04, 2010 7:34 am

தவளையின் பகைவனான பாம்புகள், அவ் வப்போது மனிதர்கள் வசிக்கும் வீடுகளுக்குள் வந்து பயமுறுத்திப் போவதும் உண்டு. பாம்பு களைக் கண்டு பயந்த மக்கள் பாம்பாட்டியை வரவழைத்து, பாம்பை பிடிக்கச் சொல்வார்கள். அப்போது மகுடியை வைத்து பாம்பாட்டி ஊத, பாம்பும் மகுடி இசைக்கு ஏற்ப நடனமாடுவதை நீங்கள் பார்த்திருக்கலாம்.

ஆனால், உண்மையில் பாம்புகளுக்கு காது கேட்காது. எனவே, மகுடி ஓசையை அவற்றால் கேட்க முடியாது. அப்படியிருக்க மகுடி ஓசைக்கு ஏற்ப பாம்பு ஆடுவது எப்படி?

தரையில் ஏற்படும் அதிர்வுகளைத் தெளிவாக உணரும் நுட்பம் பாம்புகளுக்கு உண்டு. இதனால்தான் தூரத்தில் நாம் நடந்து வரும் அதிர்வைக் கொண்டே பாம்புகள் தப்பித்து ஓடி விடுகின்றன. மகுடியை ஊதிக் கொண்டே, அதற்கேற்பத் தாளம் தட்டுவது போல பாம்பாட்டி தரையில் தட்டுகிறார். இந்த அதிர்வை உணர்ந்து தான் பாம்பு அசைகிறது. மேலும், பாம்பாட்டி தன் உடலையும் நடனமாடுவது போன்று உடலை அசைத்துக் கொண்டே மகுடி ஊதுவதால், அவரை உற்றுப் பார்த்துக் கொண்டிருக்கும் பாம்பு, அதற்கேற்பத் தானும் அசைகிறது.