சேவை வரி விதிப்பு: விமான கட்டணம் உயர்ந்தது

**Tamilzhan** · **Tamilzhan** Thu Jul 01, 2010 1:06 pm

விமான கட்டணம் மீது சேவை வரி விதிக்கப்படும் என்று கடந்த பட்ஜெட்டின் போது மத்திய அரசு அறிவித்தது. இந்த சேவை வரி விதிப்பு இன்று முதல் அமலுக்கு வந்துள்ளது.

சேவை வரித்திட்டத்தின் கீழ் உள்ளூர் மற்றும் சர்வதேச பயணங்களுக்கு பயணிகள் எடுக்கும் டிக்கெட்களுக்கு 10 சதவீதம் வரி விதிக்கப்படுகிறது. இதனால் விமான கட்டணம் இன்று (01/07/2010) முதல் உயர்ந்துள்ளது.

உள்ளூர் விமான கட்டணத்தின் மொத்த மதிப்பில் 10 சதவீதம் அல்லது 100 ரூபாய் இதில் எது குறைவோ, அதை சேவை வரியாக வசூலிக்க திட்டமிடப்பட்டுள்ளது. அதுபோல சர்வதேச விமான கட்டணத்தின் மொத்த மதிப்பில் 10 சதவீதம் அல்லது 500 ரூபாய் இதில் எது குறைவோ அது சேவை வரியாக வசூலிக்கப்படும்.

ஐ.நா.சபை ஊழியர்கள், விமான ஊழியர்களுக்கு இந்த சேவை வரி விதிப்பில் இருந்து விலக்கு அளிக்கப்பட்டுள்ளது. சேவை வரி விதிப்புக்கு சர்வதேச விமானப் க்குவரத்துக் கழகம் எதிர்ப்பு தெரிவித்துள்ளது.

இதையடுத்து சேவை வரி விதிப்பில் சிறு மாற்றம் செய்து இன்று முதல் மத்திய அரசு அமல்படுத்தி உள்ளது. இந்த சேவை வரி விதிப்பு மூலம் கிடைக்கும் வருவாய் சேவை வரி கணக்கில் சேர்த்துக் கொள்ளப்படும்.

விமான கட்டணம் மீதான சேவை வரி விதிப்பு காரணமாக மத்திய அரசுக்கு ஆண்டுதோறும் ரூ.1600 கோடி கூடுதல் வருமானம் கிடைக்கும் என்று எதிர்பார்க்கப்படுகிறது.

**பிளேடு பக்கிரி** · 01/03/2010

எல்லாத்தையும் கட்டணம் எய்திட்டாங்க... இத மட்டும் விட்டு வைக்கவா போறாங்க சேவை வரி விதிப்பு: விமான கட்டணம் உயர்ந்தது 56667

jahubar · jahubar Thu Jul 01, 2010 1:43 pm

பாவம் பயணிகள்...

அன்பு தளபதி · அன்பு தளபதி Thu Jul 01, 2010 2:38 pm

பஸ் கட்டணம் உயராது - முதல்வர் கலைஞர் என்ன ஒரு தங்கமான மனசு

kalaimoon70 · kalaimoon70 Thu Jul 01, 2010 3:55 pm

விமான கட்டணம் மீதான சேவை வரி விதிப்பு காரணமாக மத்திய அரசுக்கு ஆண்டுதோறும் ரூ.1600 கோடி கூடுதல் வருமானம் கிடைக்கும் என்று எதிர்பார்க்கப்படுகிறது.

இது யாருக்கு கிடைக்கும் ??????????