உலகின் சிறந்த நகரமாக டெல்லி தேர்வு: முதல்-மந்திரி ஷீலா தீட்சித்துக்கு பாராட்டு

உலகில் மிக சிறந்த நகரங்களை லீகான் யூ வேர்ல்டு சிட்டி நிறுவனம் தேர்வு செய்து வருகிறது. அதற்காக உலக நாடுகளிடம் இருந்து விவர அறிக்கை சமீபத்தில் பெறப்பட்டது. இப்போட்டியில் 32 நாடுகளின் 72 நகரங்கள் கலந்து கொண்டன.

இதில் உலகின் சிறந்த நகரமாக டெல்லி தேர்வு செய்யப்பட்டுள்ளது. இது தவிர ஆஸ்திரேலியாவின் மெல்போர்ன், பிரேசிலின் கரிடிபியா மற்றும் பில்பயோ ஆகிய 3 நகரங்களும் தேர்ந்தெடுக்கப்பட்டுள்ளன.

கட்டமைப்பு வசதி, சுற்று சூழல் பாதுகாப்பு, சுகாதார வசதி போன்றவற்றின் மேம்பாடுதான் டெல்லிக்கு இந்த பெருமையை பெற்றுத்தந்துள்ளது. அதற்கு காரணமாக இருந்த டெல்லி முதல்-மந்திரி ஷீலா தீட்சித்தையும் அந்நிறுவனம் பாராட்டியுள்ளது.

ஷீலா தீட்சித்தின் இந்த நடவடிக்கை குறித்து அவரது சிறப்பு செயலாளர் கேசவ் சந்திரா கூறியதாவது:-

டெல்லியில் பெட்ரோல் மற்றும் டீசல் வாகனங்களை ஒழித்து விட்டு பெட்ரோல் கியாஸ் மூலம் இயங்கும் வாகனங்களை இயக்க ஷீலாதீட்சித் நடவடிக்கை எடுத்தார். மேலும் டெல்லியில் இருந்து 26 கி.மீட்டர் தூரம் வரை மட்டுமே இருந்த வனப்பகுதியை 300 கி.மீட்டர் தூரம் வரை நீட்டித்து பசுமை புரட்சியை ஏற்படுத்தியுள்ளார். அதன் மூலமும் சுற்றுச் சூழல் பாதுகாக்கப்பட்டுள்ளது.

கடந்த 2002-ம் ஆண்டு 52 சதவீதமாக இருந்த மின்வெட்டு தற்போது 18 சத வீதமாக குறைக்கப்பட்டுள்ளது. இதை இன்னும் ஒரு வருடத்தில் 12 சதவீதமாக குறைக்க நடவடிக்கை எடுக்கப்பட்டு வருகிறது. பிளாஸ்டிக் பைகளின் பயன் பாட்டை குறைக்கும் நடவடிக்கையிலும் ஷீலா தீட்சித்தின் அரசு ஈடுபட்டுள்ளது. இதுபற்றி பள்ளிகளிலேயே குழந்தைகளுக்கு விழிப்புணர்ச்சி ஏற்படுத்தப்படுகிறது.

தற்போது டெல்லியின் மக்கள் தொகை 1 கோடியே 63 லட்சமாக உள்ளது. ஆண்டு தோறும் 5 லட்சம் மக்கள் புதிதாக இங்கு குடிபெயர்ந்து வருகின்றனர். மேலும் யமுனை ஆற்றை சுத்தம் செய்யவும், சுகாதார மேம்பாட்டுக்காகவும் ரூ.32 ஆயிரம் கோடி ஒதுக்கப்பட்டுள்ளது என்றார்.

இது நம்ம கலைஞர்க்கு தெரியாம போச்சே

பிளேடு பக்கிரி wrote:இது நம்ம கலைஞர்க்கு தெரியாம போச்சே