கள்ளக்காதலால் குடும்பஸ்தர் சுட்டுக்கொலை

ரபீக் · ரபீக் Thu Jul 01, 2010 12:47 pm

கிருஷ்ணகிரி அருகே மனைவியுடன் கள்ளத்தொடர்பு வைத்திருந்த நண்பரை சுட்டுக்கொன்ற நபர் கைது செய்யப்பட்டுள்ளனர்.
கிருஷ்ணகிரி மாவட்டம் அஞ்செட்டி அருகே காந்திபுரத்தை சேர்ந்தவர்கள் அண்ணாதுரை(32), சிக்கையா(37). இருவரும் விவசாயம் செய்து வருகின்றனர். சிக்கையாவின் மனைவி ராதாவுடன், அண்ணாதுரைக்கு கள்ளத்தொடர்பு இருந்ததாக கூறப்படுகிறது. இந்நிலையில், கடந்த சில நாட்களுக்கு முன்பு இருவரும் தனிமையில் இருப்பதை சிக்கையா பார்த்துள்ளார். இதையடுத்து, மனைவியை கண்டித்தார். பின்னர், அவரை பெங்களூரில் உள்ள உறவினர் வீட்டுக்கு அனுப்பிவிட்டார். இந்நிலையில், நேற்று முன்தினம் அண்ணாதுரைக்கும், சிக்கையாவுக்கும் திடீரென தகராறு ஏற்பட்டது. இதில் மனமுடைந்த நிலையில் இருந்த சிக்கையா, இரவு 9.15 மணியளவில் வீட்டில் இருந்த நாட்டு துப்பாக்கியை எடுத்துக் கொண்டு அண்ணாதுரை வீட்டுக்கு சென்றார்.

துப்பாக்கியுடன் சிக்கையா வருவதை கண்ட அண்ணாதுரை மற்றும் குடும்பத்தினர் அதிர்ச்சி அடைந்தனர். பின்னர், அவர்கள் பேசிக்கொண்டிருக்கும்போதே துப்பாக்கியால் அண்ணாதுரையை சிக்கையா சரமாரியாக சுட்டார். உடல் முழுவதும் குண்டு பாய்ந்து ரத்தம் கொட்டியது. சுருண்டு கீழே விழுந்த அண்ணாதுரை பரிதாபமாக இறந்தார்.

இதையடுத்து, சிக்கையா அங்கிருந்து ஓடிவிட்டார். கண்ணெதிரே கணவர் சுட்டுக் கொல்லப்பட்டதை பார்த்த அண்ணாதுரையின் மனைவி நாகேஸ்வரியும், குழந்தைகளும் கதறி அழுதனர். இதுகுறித்து போலீசுக்கு தகவல் தெரிவிக்கப்பட்டது. சம்பவ இடத்துக்கு வந்த போலீசார் விசாரணை நடத்தினர். பின்னர், தலைமறைவாக இருந்த சிக்கையாவை கைது செய்தனர். அவரிடமிருந்த உரிமம் இல்லாத நாட்டு துப்பாக்கி பறிமுதல் செய்யப்பட்டது. இச்சம்பவம் அப்பகுதியில் பரபரப்பை ஏற்படுத்தி உள்ளது.

நவீன் · நவீன் Thu Jul 01, 2010 1:55 pm

கள்ளக்காதலால் குடும்பஸ்தர் சுட்டுக்கொலை 56667

கள்ளக்காதலால் குடும்பஸ்தர் சுட்டுக்கொலை

கள்ளக்காதலால் குடும்பஸ்தர் சுட்டுக்கொலை

Re: கள்ளக்காதலால் குடும்பஸ்தர் சுட்டுக்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக