எண்ணெய் நிறுவனங்கள் விதித்த நிபந்தனைகள் செல்லும்: உயர்நீதிமன்றம்

by ரபீக் Wed Jun 30, 2010 11:23 am

எல்பிஜி லாரிகளுக்கு எண்ணெய் நிறுவனங்கள் விதித்துள்ள நிபந்தனைகள் செல்லும். அதை ரத்து செய்ய முடியாது. பொது மக்கள் நலனுக்காகத்தான் எல்பிஜி போக்குவரத்து ஒழுங்குமுறை விதிமுறைகள் வகுக்கப்பட்டுள்ளன. வழக்கு தள்ளுபடி செய்யப்படுகிறது என்று உயர்நீதிமன்ற நீதிபதி தீர்ப்பளித்துள்ளார்.
தென்னக எல்பிஜி போக்குவரத்து உரிமையாளர்கள் சங்கம் சென்னை ஐகோர்ட்டில் தாக்கல் செய்துள்ள வழக்கில் கூறியிருப்பதாவது:
‘எல்பிஜி காஸ் சிலிண்டர்களை லாரிகளில் எடுத்துச் செல்லும் போது முதன்முறையாக விபத்து ஏற்பட்டால் உரிமம் ஒரு மாதம் நிறுத்தி வைக்கப்படும். இரண்டாவது முறையாக விபத்து ஏற்பட்டால் 3 மாதம் நிறுத்தி வைக்கப்படும். 3 வது முறை விபத்து ஏற்பட்டால் கருப்பு பட்டியலில் சேர்க்கப்படும். உயிர்ச்சேதம் ஏற்பட்டால் 6 மாதம் கருப்பு பட்டியலில் வைக்கப்படும்’ என மத்திய அரசுக்கு சொந்தமான இந்தியன் ஆயில் கார்ப்பரேஷன், பாரத் பெட்ரோலியம் மற்றும் இந்துஸ்தான் பெட்ரோலியம் ஆகிய பொதுத்துறை எண்ணெய் நிறுவனங்கள் விதிமுறை வகுத்துள்ளன. இது சட்டவிரோதமானது. இதனால் எங்களுக்கு பெரிதும் பாதிப்பு ஏற்படும். இதை ரத்து செய்ய வேண்டும். தடைவிதிக்க வேண்டும். இவ்வாறு கூறப்பட்டிருந்தது.

‘எல்பிஜி காஸ் சிலிண்டர்களை லாரிகளில் எடுத்துச் செல்லும் போது முதன்முறையாக விபத்து ஏற்பட்டால் உரிமம் ஒரு மாதம் நிறுத்தி வைக்கப்படும். இரண்டாவது முறையாக விபத்து ஏற்பட்டால் 3 மாதம் நிறுத்தி வைக்கப்படும். 3 வது முறை விபத்து ஏற்பட்டால் கருப்பு பட்டியலில் சேர்க்கப்படும். உயிர்ச்சேதம் ஏற்பட்டால் 6 மாதம் கருப்பு பட்டியலில் வைக்கப்படும்’ என மத்திய அரசுக்கு சொந்தமான இந்தியன் ஆயில் கார்ப்பரேஷன், பாரத் பெட்ரோலியம் மற்றும் இந்துஸ்தான் பெட்ரோலியம் ஆகிய பொதுத்துறை எண்ணெய் நிறுவனங்கள் விதிமுறை வகுத்துள்ளன. இது சட்டவிரோதமானது. இதனால் எங்களுக்கு பெரிதும் பாதிப்பு ஏற்படும். இதை ரத்து செய்ய வேண்டும். தடைவிதிக்க வேண்டும். இவ்வாறு கூறப்பட்டிருந்தது.

இந்த வழக்கு நீதிபதி கே.கே.சசிதரன் முன்பு இன்று இறுதி விசாரணைக்கு வந்தது. எண்ணெய் நிறுவனங்கள் சார்பாக மூத்த வக்கீல் டி.ஆர்.ராஜகோபாலன், வக்கீல் ஆனந்த நடராஜன் ஆகியோர் ஆஜராகி, கேரளா அருகே எல்பிஜி லாரி மோதி 4 பேர் இறந்தனர். 15 பேர் படுகாயமடைந்தனர். இதனால் இந்தியன் ஆயில் நிறுவனத்துக்கு ரூ. 1.5 கோடி நஷ்டம் ஏற்பட்டது. எல்பிஜி லாரி ஓட்டுநர்கள் வேகமாக செல்வதாக புகார்கள் வருகின்றன. எனவேதான் பொது மக்கள் நலன் கருதி இத்தகைய நிபந்தனைகள் விதிக்கப்பட்டுள்ளன. இவற்றை ரத்து செய்யக்கூடாது. வழக்கை தள்ளுபடி செய்ய வேண்டும் என்றனர்.

இதை நீதிபதி ஏற்றுக் கொண்டு, எல்பிஜி லாரிகளுக்கு எண்ணெய் நிறுவனங்கள் விதித்துள்ள நிபந்தனைகள் செல்லும். அதை ரத்து செய்ய முடியாது. பொது மக்கள் நலனுக்காகத்தான் எல்பிஜி போக்குவரத்து ஒழுங்குமுறை விதிமுறைகள் வகுக்கப்பட்டுள்ளன. வழக்கு தள்ளுபடி செய்யப்படுகிறது என தீர்ப்பளித்தார்.