இமாச்சல பிரதேசம் பண்ணை வீட்டில் காதலியுடன் சசிதரூர்

by ரபீக் Tue Jun 29, 2010 11:35 am

முன்னாள் மத்திய மந்திரி சசிதரூர் காஷ்மீரை சேர்ந்த மாடலிங் பெண் சுனந்தாவை காதலிப்பதாக ஏற்கனவே தகவல்கள் வந்தன.

அவருக்கு ஐ.பி.எல். கிரிக்கெட் கொச்சி அணி பங்குகளை வாங்கி கொடுக்க சசிதரூர் தனது மத்திய மந்திரி அதிகாரத்தை தவறாக பயன்படுத்தியதாகவும் புகார்கள் வந்தன. இதனால் தான் சசிதரூர் மத்திய மந்திரி பதவி இழந்தார்.

ஆனால் சசிதரூர், சுனந்தா இருவருமே நாங்கள் நண்பர்கள், காதலர்கள் அல்ல என்று முதலில் கூறி வந்தனர்.

ஆனால் இப்போது இருவரும் திருமணம் செய்து கொள்ள ஏற்பாடுகள் நடந்து வருகின்றன. சமீபத்தில் பெங்களூரில் இருவருக்கும் திருமண நிச்சயதார்த்தம் நடந்ததாக தகவல்கள் கூறியது.

இதற்கிடையே இமாச்சல பிரதேசம் கசோலில் உள்ள தனியார் பண்ணை வீட்டில் சசிதரூர் சுனந்தாவுடன் 2 நாட்கள் தங்கினார். அப்போது அவர்கள் குடும்பத்தினரும் அவர்களுடன் இருந்தனர்.
கடந்த 27-ந்தேதி இங்கு வந்தவர்கள் நேற்றுதான் அங்கிருந்து சென்றனர். ஏதோ முக்கிய நிகழ்ச்சியாகத் தான் இருவரும் குடும்பத்தினருடன் வந்திருக்க வேண்டும் என்று கூறப்படுகிறது. இருவரும் மோதிரம் மாற்றி கொள்ளும் நிகழ்ச்சி பண்ணை வீட்டில் நடந்திருக்கலாம் என்று நெருங்கிய வட்டார தகவல்கள் கூறுகின்றன. ஆனால் உறுதியான தகவல்கள் எதுவும் தெரியவில்லை.