விண்வெளி ஓட்டல்

செரின் · செரின் Tue Jul 14, 2009 1:59 pm

அறிவியலின் மிக வேகமான வளர்ச்சி காரணமாக அடுத்த தலைமுறையினர் சுற்றுலா சென்றால் நிலவு, செவ்வாய் என்று வேற்று கிரகத்திற்குத்தான் செல்வார்கள் என்று நம்பலாம். தற்போது சுமார் 100 கோடி ரூபாய் கொடுத்தால் விண்வெளி சுற்றுலா செல்ல முடியும். அமெரிக்கா மற்றும் ரஷியா அனுப்பும் விண்கலனில் பயணம் செய்து விண்வெளியில் சுற்றும் சர்வதேச விண்வெளி நிலையத்துக்குச்சென்று தங்கி வரலாம்.

இவர்களைப் போன்ற பயணிகளுக்கு உற்சாகம் ஊட்டும் வகையில் விண்வெளியில் ஒரு ஓட்டல் கட்ட இருக்கிறார்கள். லண்டனை சேர்ந்த இம்பீரியல் கல்லூரி மற்றும் ராயல் கல்லூரியில் 'இன்னோவேசன் டிசைன் என்ஜினீயரிங்' (புதுமை வடிவமைப்பு பொறியியல்) முதுகலை பட்டப்படிப்பு படிக்கும் மாணவர்கள் இதற்கான திட்டத்தில் இறங்கி உள்ளனர்.

இவர்களுக்கு நாசா மற்றும் ஐரோப்பிய விண்வெளி மையத்தில் பணியாற்றிய விஞ்ஞானி டேனியல்பெட்டினி வழிகாட்டியாக செயல்பட்டு வருகிறார்.

இந்த விண்வெளி ஓட்டல் பூமியில் இருந்து 100 மைல் உயரத்தில் நிறுவப்பட உள்ளது. ஓட்டலுக்கான ஒரு பகுதி திட்டங்களை மாணவர்கள் முடித்துவிட்டனர். அறைகள் மற்றும் ஓட்டலின் முழு வடிவத்தை கம்ப்ïட்டரின் உதவியுடன் வடிவமைத்து இருக்கிறார்கள்.

இந்த ஓட்டலில் சுற்றுலா பயணிகளுக்கான பல சிறப்பு வசதிகளை மாணவர்களே வடிவமைத்து உள்ளனர். விண்வெளி ஈர்ப்புவிசையும், புவியில் உள்ள ஈர்ப்புவிசையும் ஒன்றுபோல் இருக்காது. எனவே இந்த விண்வெளி ஓட்டலில் பூமியில் இருப்பது போன்று தங்கும் அளவுக்கு புவியீர்ப்பு வசதி தொடர்பான ஏற்பாடுகள் செய்யப்பட்டுள்ளது.

சுற்றுலாப் பயணிகளுக்கான உடையிலும் சிறப்பு இருக்கிறது. இதுகுறித்து ஆய்வில் ஈடுபடும் மாணவி கேத்ரின் பாம்கார்டின் கூறும்போது, 'சுற்றுலாப்பயணிகளுக்காக சிறப்பு உடை தயாரித்து இருக்கிறோம். அங்கு வாஷிங்மெசினை பயன்படுத்தி எல்லாம் துணியை துவைக்க முடியாது. அதற்கு பதிலாக நமது தோல் வெளியிடும் சுவாசம் மற்றும் வியர்வையை பயன்படுத்தியே தானாக சுத்தம் செய்து அழுக்கை போக்கிக் கொள்ளும் வகையில் உடை வடிவமைக்கப்பட்டு உள்ளது. எனவே அழுக்கு மற்றும் கறையைப் பற்றி கவலை கொள்ளத் தேவையில்லை' என்றார்.

விண்வெளி ஓட்டல்

விண்வெளி ஓட்டல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக