நல்லதை மட்டுமே பேசுங்கள்

by **பிளேடு பக்கிரி** Mon Jun 28, 2010 6:53 pm

* உலகில் பிறந்துள்ள மனிதர்கள் அனைவரும்
ராஜகுமாரர்களே. அவர்கள் எதற்காகவும், யாரிடமும் கையேந்தி நிற்க வேண்டிய
அவசியம் இல்லை. இந்த உலகம் மனிதர்களின் பயன்பாட்டிற்காகவே
கொடுக்கப்பட்டுள்ளது. எனவே, அதை ரசித்து அனுபவியுங்கள். ஆனால், எதன் மீதும்
பற்று மட்டும் வைத்து விடாதீர்கள். ஏனெனில், அதுவே உங்களது பலவீனமாக
மாறிவிடும். ஆசை என்ற விதையை மனதில் விதைத்து விட்டால், அதுவே பல
துன்பங்களை விளைவிப்பதாக அமைந்து விடும்.

* சமுதாயத்தை சீர்திருத்தும்
முயற்சியை கையில் எடுத்துக் கொள்ளுங்கள். தீய வழிகளில் செல்வோரிடம்
அவர்களது செயலால் ஏற்படும் தீமைகளை எடுத்துச் சொல்லுங்கள். அப்போது,
அவர்களை சூதீயவனே' என்று சொல்லாமல், சூநீ நல்லவன்' என்று சொல்லி, அதைவிட
இன்னும் நல்லவனாக மாறும்படி தன்மையாக எடுத்துக்கூறுங்கள். ஏனெனில்,
பலவந்தமாக செய்யப்படும் சீர்திருத்த முயற்சிகள், அதன் வேகத்தை தணித்து
எதிர்மறை விளைவுகள் தருவதாகவே இருக்கும். எனவே, சொல்லப்படும் கருத்தின்
தன்மை இனிதாக இருக்க வேண்டியது அவசியம்.

* இன்பம் இருக்கும் இடத்தில்
துன்பமும் இருக்கிறது. இன்பமானது, தனது தலையில் துன்பம் எனும் மகுடத்தை
சூட்டிக்கொண்டுதான் வருகிறது. எனவே, இன்பத்தை அனுபவிக்க தெரிந்தவர்கள்
துன்பத்தையும் அனுபவிக்கும் அளவிற்கு பக்குவத்தை வளர்த்துக் கொள்ள
வேண்டும். இதுவே மனோபலத்தைக் கொடுக்கும்.