இன்ஜினியர் கவுன்சலிங் திடீர் தள்ளிவைப்பு

ரபீக் · ரபீக் Mon Jun 28, 2010 10:17 am

நாளை தொடங்குவதாக இருந்த இன்ஜினியரிங் கவுன்சலிங் தள்ளிவைக்கப்பட்டுள்ளது. கல்லூரிகளுக்கு ஏஐசிடிஇ புது நிபந்தனை விதித்தது தொடர்பான வழக்கு சென்னை ஐகோர்ட்டில் நாளை விசாரணைக்கு வருகிறது. இதன்பிறகுதான் தேதி அறிவிக்கப்படும் என்று தெரிகிறது. ஏற்கனவே அறிவித்தபடி மருத்துவ கவுன்சலிங் நாளை தொடங்குகிறது.
இன்ஜினியரிங் கல்லூரிகளில் மாணவர் சேர்க்கைக்கான கவுன்சலிங் நாளை தொடங்குவதாக அறிவிக்கப்பட்டிருந்தது. விளையாட்டு பிரிவுக்கான கவுன்சலிங்குடன் தொடங்கி தொழில்பிரிவு, மாற்றுத் திறனாளிகளுக்கான கவுன்சலிங்கை தொடர்ந்து 5&ம் தேதி முதல் பொது கவுன்சலிங் நடக்கும் என கூறப்பட்டது. இந்நிலையில் மாணவர் சேர்க்கை, புதிய கல்லூரிகள் தொடங்குவது, கல்லூரிகளின் தரம் மறுஆய்வு செய்வது ஆகியவை தொடர்பாக புதிய நிபந்தனைகள், விதிகளை அகில இந்திய தொழில்நுட்பக் கல்வி கவுன்சில் (ஏஐசிடிஇ) விதித்தது.

அதன் அடிப்படையில் தமிழகத்தில் 250&க்கும் மேற்பட்ட கல்லூரிகளுக்கு இந்த ஆண்டு மாணவர் சேர்க்கை நடத்த ஏஐசிடிஇ அனுமதி வழங்கவில்லை.

ஏஐசிடிஇ நிபந்தனைகளுக்கு தனியார் கல்லூரிகள் எதிர்ப்பு தெரிவித்தன. ஏஐசிடிஇ மீது வழக்கு தொடர்ந்தன. இந்த வழக்கு சென்னை ஐகோர்ட்டில் நாளை விசாரணைக்கு வருகிறது. புதிய விதிகள் குறித்து ஏஐசிடிஇ தரப்பு நாளையும், நாளை மறுநாளும் விளக்கம் அளிக்கிறது.

அதன் பின்னர் இந்த வழக்கில் தீர்ப்பு வழங்கப்படும். 250&க்கும் அதிகமான கல்லூரிகள் மாணவர் சேர்க்கை நடத்த இன்னும் அனுமதி வழங்கப்படாததால் நாளை நடக்க இருந்த கவுன்சலிங் ரத்து செய்யப்பட்டுள்ளது. ஒரு வாரத்தில் கவுன்சலிங் தொடங்கும் என்று எதிர்பார்க்கப்படுகிறது.

ஏற்கனவே அறிவிக்கப்பட்டபடி மருத்துவ கல்லூரி மாணவர் சேர்க்கைக்கான கவுன்சலிங் நாளை தொடங்குகிறது.

இன்ஜினியர் கவுன்சலிங் திடீர் தள்ளிவைப்பு

இன்ஜினியர் கவுன்சலிங் திடீர் தள்ளிவைப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக