சர்வதேச தொலைபேசி கட்டணங்கள் : ரிலையன்ஸ் அதிரடி குறைப்பு

ரபீக் · ரபீக் Sun Jun 27, 2010 4:29 pm

தொலைபேசி துறையில் நிறைய நிறுவனங்கள் நுழைந்ததையடுத்து தங்கள் இருப்பை தக்க வைத்து கொள்ள தொலைபேசி நிறுவனங்கள் விலை குறைப்பு போரில் இறங்குவது வாடிக்கை. உள்நாட்டு கட்டணங்களை மையமாக வைத்தே நடந்த இவ்விலை குறைப்பில் அதிரடியாக தற்போது ரிலையன்ஸ் கம்யூனிகேஷன்ஸ் சர்வதேச கட்டணங்களைக் குறைத்துள்ளது.

கனடா, அமெரிக்கா போன்ற நாடுகளுக்கு இந்தியாவிலிருந்து பேச 60% கட்டணம் குறைக்கப்பட்டு 1.99 ரூபாய் ஒரு நிமிடத்துக்கு என நிர்ணயிக்கப்பட்டுள்ளது. சாதாரணமாக இது நிமிடத்திற்கு 5 முதல் 8 ரூபாய் வரை நடப்பில் உள்ளது என்றாலும் இச்சலுகையை பெற 37 ரூபாய் வவுச்சர் ஒரு மாதத்திற்கு வாங்க வேண்டும்.

ரிலையன்ஸின் மொத்த வருமானத்தில் 8% வெளிநாட்டு கட்டணங்களிலிருந்து வருவதால் அது தன் விற்பனையை விலை குறைப்பின் மூலம் அதிகரிக்கும் என எதிர்பார்க்கப்படுகிறது. அதே சமயத்தில் பிற தொலைபேசி நிறுவங்களும் விரைவில் விலை குறைப்பில் ஈடுபடுவார்கள் என்றும் எதிர்பார்க்கலாம்.